PUKmedia یەکێتیی نیشتمانیی کوردستان

سەرۆك كۆمار:عەبدولڕەزاق فەیلی لەسەرەتای خەباتەوە بێدابڕان بەردەوامە


14/6/2018 14:56:00
چاپ کردن
بە وێنەوە    بە بێ وێنە
           
.

سەرۆك كۆمار ماتەمینی بۆ كۆچی دوایی كەسایەتی نیشتمانی عەبدولڕەزاق فەیلی ئەندامی دەستەی دامەزرێنەری (ی.ن.ك) رادەگەیەنێت.

سەرۆك كۆمار دكتۆر فوئاد مەعسوم بۆ كۆچی دوایی هەڤاڵ عەبدولڕەزاق فەیلی ئەندامی دەستەی دامەزرێنەری و لێپرسراوی پەیوەندییەكانی دەرەوەی (ی.ن.ك) پرسە نامەیەكی ئاڕاستەی بنەماڵە وخانەوادەی بەڕێزی و هەڤاڵانی (ی.ن.ك) كردوە ئەمەش دەقەكەیەتی:

بنەماڵەو خانەوادەی بەڕێزی كاك عەبدولڕەزاق فەیلی ئەندامی دەستەی دامەزرێنەری (ی.ن.ك)

بەداخ و پەژارەیەكی بێ سنور، هەواڵی پڕ لەخەمی ماڵئاوایی یەكجارەكی دۆست و هەڤاڵی تێكۆشان و دۆستی دێرین و برای خۆشەیستم كاك عەبدولڕەزاق فەیلی ئەندامی دەستەی دامەزرێنەری (ی.ن.ك)م پێگەیشت. كاك عەبدولڕەزاق فەیلیی وێڕای هاوخەباتیمان دۆستایەتیی و هەڤاڵایەتییەكی تایبەت پێكەوەی دەبەستین، وەك یەكێك لە خەباتگێڕە سەر راست و دڵسۆز و پاكە دانەبڕاوە كۆڵنەدەرەكانی رێگای رزگاریی و دیموكراسیی درێژەی داوە بە تێكۆشان لە بەگژاچونەوەی دیكتاتۆریی و چەوسێنەرانەی رژێمە یەك لە دوایەكەكانی ئەو سەردەمە تاریكانەی عیراق و داكۆكیكارێكی بەهێزی ئازادیی و پێشكەوتنخوازیی بوە، لە سەرەتای رۆژە سەخت و دژوارەكانی خەباتی گەلەكەماندا وەك ئەندامی دەستەی دامەزرێنەرانی (ی.ن.ك) شانی دایە بەر ئەو قۆناغە دژوارەی خەبات بێ دابڕان و كە تادوایین ساتەكانی ژیانیشی بەردەوام بو كە هەڵوێستە سیاسییەكانی لەو كاروانەدا شایەتیی سەرراستیی و ورە بەرزیی و پاكیی و خاكیی بونی ئەم سەركردەیەن.

 كاك عەبدولڕەزاق فەیلی سەرباری ئەوەی خاوەنی پێگەیەكی رێزو خۆشەویستیی تایبەتی سەرۆك مام جەلال و ئێمەو هەڤاڵەكانی تری خەباتگێڕانی (ی.ن.ك) و هێزە سیاسییەكانی تری كوردستانی و عیراقیی بو، بۆچون و روانینە سیاسییەكانی لە كۆڕو كۆبونەوەكاندا هەمیشە پەسەند دیدەو راست و دروست بون، شارەزایی و سەلیقەیەكی بێ وێنەیشی هەبو لە بوارەكانی ئەدەب و زمانیشدا.

 بەراستی كۆچی دوایی ئەم تێكۆشەرەشمان وەك هەڤاڵە نەمرەكانی تری دەستەی دامەزرێنەر نەك هەر مایەی دڵگرانیی خەممانە، بەڵكو بۆشایی خەسارەتێكیشە لە گەلەكەمان (ی.ن.ك) و پرۆسەی سیاسیی و دیموكراسیی لە عیراق و كوردستانیشدا كە پڕ كردنەوە و ساڕێژ بونەوەی ئاسان نییە. 

بۆ ئەم لەدەست دان و كۆستە قورسە بیرەوەریی و هەڵوێست و مێژوە پڕ لە سەروەرییەكەی خەباتی هەمیشە لە یادماندا بەزیندویی دەمێنێتەوە و پرسە و ماتەمینیی قوڵی خۆم بە یەك بەیەكی ئەندامانی خانەوادەی تێكۆشەری و تەواوی هەڤاڵان و جەماوەری (ی.ن.ك) دەگەیەنم، داوا لە پەروەردگاری مەزن دەكەم گیانی كاك عەبدولڕەزاق فەیلیی بە بەهەشتی نەمران شاد بكات و سەبوریی و ئۆقرەیی ببەخشێت بەخانەوادەو كەسوكارو دۆست و خۆشەویستانی و ئەوە دوایین ناخۆشیی بێت.

إنا لله و إنا الیە راجعون

فوئاد مەعسوم 

سەرۆك كۆمار

PUKmedia 

وێنە هەواڵ
  • image04
  • ساڵێك به‌سه‌ر كۆچی دوایی سه‌رۆك مام جه‌لال تێده‌په‌ڕێت

  • image04
  • به‌ڕێوه‌چوونی چله‌ی ماته‌مینی د.جه‌مال ئه‌حمه‌د ره‌شید

  • image04
  • سێیه‌مین فێستیڤاڵی نێوده‌وڵه‌تی فلیمی سلێمانی ده‌ستیپێكرد

  • image04
  • مه‌زارگه‌ی 6 شه‌هیدی یه‌كێتی نوێ ده‌كرێنه‌وه

  • image04
  • بەرپرسیارێتی تاك لێرەوە دەستپێدەكات

  • image04
  • وێنەهەواڵ.. ئەو کەسەی پێشەوە عادل عبدالمهدی ئەوەی پشتەوەش مام جەلال چیاکانی کوردستان

  • image04
  • ساڵێك لەمەوبەر 6ی 10ی 2017.. پێشوازی لەتەرمی سەرۆك مام جەلال

  • image04
  • ئەنجامی بەرایی 85%ی دەنگەكانی هەڵبژاردنی پەرلەمانی كوردستان راگەیەنرا


                                           

پۆلۆنیا پێشوازی لە وەزارەتی شەهیدان دەكات


پۆلۆنیا ئەزموونە زەنگینەکەی خۆی لە بارەی پاراستنی بەڵگەکانی کۆمەڵکوژی و جینۆساید بە کوردستان دەبەخشێت.

پاش چەند ساڵێك لە کارکردن و ھەوڵدانی نوێنەرایەتی  حکومەتی ھەرێمی کور...


  پرسه‌ی ماته‌مینی كه‌مالی قادر شارباژێڕى به‌ڕێوه‌ده‌چێت
  هۆڵه‌ندا.. كۆڕێكی شیعر به‌ڕێوه‌ده‌چێت
                                           

پاڵپشتی و سه‌رخستنی لیستی 105ی یه‌كێتی له‌ده‌ره‌وه‌ی وڵات به‌رده‌وامی هه‌یه‌


دیداری تایبه‌ت/  له‌گه‌ڵ هه‌ڤاڵ شێخ شه‌ماڵ، به‌رپرسی به‌شی په‌یوه‌ندییه‌كانی كوردستانی، یه‌كێتی نیشتیمانی كوردستان له‌ده&z...


  هۆگر شاڵی: كارەبای نیشتمانی زیاد دەكات
  سەرۆك كۆمار: پێكهێنانی حكومەتی زۆرینە بەدوور دەزانم
                                           

دوای ریفراندۆم پارتی په‌یوه‌ندی نهێنی له‌گه‌ڵ به‌غدا دروستكرد

پارتی دیموكراتی كوردستان لەدوای رووداوەكانی 16ی ئۆكتۆبەری 2017ەو گەڕانەوەی سوپای عێراق‌و حەشدی شەعبی بۆ شاری كەركوك‌و ناوچە جێناكۆكەكان، ئەو شوێنانەی چۆڵ كرد‌و كادر‌و ...


  ئه‌نوه‌ر خواجه‌: پیاوێك له‌ نێوان شۆڕش و دیكتاتۆریدا
  هه‌ڵبژاردنی سه‌رۆك كۆمار كۆتایی به‌ تاكڕه‌وی ده‌هێنێت


کاریکاتێر