ماته‌مینی سه‌رۆكایه‌تی كۆمار بۆ كۆچی راگه‌یاندنكار قاسم محه‌مه‌د غالی

.

رۆژی 12-6-2018 سه‌رۆكایه‌تی كۆمار له‌ به‌یانێكدا ماته‌مینی ده‌ربڕی بۆ كۆچی دوایی راگه‌یاندنكارو نووسه‌ری رۆژنامه‌یی قاسم محه‌مه‌د غالی كه‌ دوای نه‌خۆشییه‌كی سه‌خت كۆچی دوایی كرد.

ده‌قه‌كه‌ی:
له‌كاتێكدا نوسینگه‌ی راگه‌یاندن له‌ سه‌رۆكایه‌تی كۆمار كۆچی دوایی راگه‌یاندنكارو نووسه‌ری رۆژنامه‌یی قاسم محه‌مه‌د غالی به‌ زیانێكی گه‌وره‌ ئه‌ژمار كردووه‌ له‌ رۆژنامه‌گه‌ری عیراقی و عه‌ره‌بیدا، ئاماژه‌شی كردووه‌ بۆ هه‌وڵی جیاو دانسقه‌ی ئه‌م رۆژنامه‌نووسه‌ له‌وكاته‌ی كه‌ سه‌رۆكی پێشووتری فه‌رمانگه‌ی راگه‌یاندن بووه‌ له‌ ئه‌مینداریه‌تی گشتی ئه‌نجومه‌نی وه‌زیران و پێشتریش به‌ڕێوه‌به‌ری رادیۆی حوریه‌ بووه‌ سه‌رباری نوسینه‌كانی له‌ دیارترین رۆژنامه‌ عیراقی و عه‌ره‌بییه‌كان و خه‌بات و تێكۆشانی دژی رژێمی دیكتاتۆری له‌ناوچوو، هاوكات گه‌رمترین پرسه‌و سه‌ره‌خۆشی ئاڕاسته‌ی خانه‌واده‌و دۆستانی كردووه‌ بۆ ئه‌م كۆسته‌ گه‌وره‌یه‌و داوای سه‌بوری و ئۆقره‌یی بۆ كردوون.

PUKmedia تایبه‌ت