PUKmedia یەکێتیی نیشتمانیی کوردستان

كاروباره‌كانی خوێندنی باڵا به‌سیستمی ئه‌لیكترۆنی ده‌كرێت


13/6/2018 15:34:00
چاپ کردن
بە وێنەوە    بە بێ وێنە
           
.

هاووڵاتیان به‌ سیستمی ئه‌لیكترۆنی ده‌توانن كاروباره‌كانیان له‌ وه‌زاره‌تی خوێندنی باڵا ڕایی بكه‌ن

د.یوسف گۆران وه‌زیری خوێندنی باڵاو توێژینه‌وه‌ی زانستی رایگه‌یاند: سیستمی به‌ئه‌لیكترۆنیكردنی وه‌زاره‌ت كارئاسانی بۆ هاووڵاتیان ده‌كات و گله‌یی هاووڵاتیان له‌ دواكه‌وتنی نووسراو و دووباره‌و سێباره‌ ناردنه‌وه‌یان ناهێڵێت و ده‌بێته‌ چاره‌سه‌ری نه‌هێشتنی رۆتین له‌ راییكردنی مامه‌ڵه‌ی هاووڵاتیان.

ئه‌م وتانه‌ی د.یوسف گۆران وه‌زیری خوێندنی باڵاو توێژینه‌وه‌ی زانستی به‌ ئاماده‌بوونی د.خه‌تاب شێخانی به‌ڕێوه‌به‌ری گشتی فه‌رمانگه‌ی كارگێڕی و دارایی و (د.داود سلێمان) به‌ڕێوه‌به‌ری گشتی ئه‌ندازه‌و پڕۆژه‌كان له‌میانی كۆبوونه‌وه‌یه‌كیدا هات، كه‌ ئه‌مڕۆ 13-6-2018 له‌گه‌ڵ به‌ڕێوه‌به‌رو به‌رپرسی به‌شه‌كان و ستافی دیوانی وه‌زاره‌تی خوێندنی باڵاو توێژینه‌وه‌ی زانستی به‌ڕێوه‌چوو.

له‌ ده‌ستپێكی كۆبونه‌وه‌كه‌دا د.خه‌تاب شێخانی به‌ڕێوه‌به‌ری گشتی فه‌رمانگه‌ی كارگێڕی و دارایی ورده‌كاری پڕۆژه‌ی به‌ئه‌لیكترۆنیكردنی وه‌زاره‌تی روونكرده‌وه‌، بۆ ئه‌وه‌ش رایگه‌یاند: ئه‌م سیستمه‌ خۆی له‌ ئه‌پڵیكه‌یشنێكی مۆبایل ده‌بینێته‌وه‌ كه‌ چوار به‌شی سه‌ره‌كی تێدایه‌ بۆ چاودێری و به‌دواداچوونی مامه‌ڵه‌ی هاووڵاتیان (به‌دواداچوونی نووسراو)، هه‌روه‌ك زانیاری و داتا له‌باره‌ی فه‌رمانبه‌رانی وه‌زاره‌تی خوێندنی باڵا (زانیاری كه‌سی) و هه‌واڵ و چالاكییه‌كانی وه‌زاره‌ت (هه‌واڵ) و ناردنی په‌یام له‌ وه‌زاره‌ته‌وه‌ بۆ فه‌رمانبه‌ر بۆ ئاگاداربوون له‌ دوایون بڕیارو راسپارده‌كان. وتیشی: ئه‌م ئه‌پڵیكه‌یشنه‌ ده‌بێته‌ كه‌ناڵێكی ره‌سمی وه‌زاره‌ت بۆ فه‌رمانبه‌رانی له‌خۆگرتووه‌.

به‌ڕێوه‌به‌ری گشتی فه‌رمانگه‌ی كارگێڕی و دارایی راشیگه‌یاند: سیستمه‌كه‌ به‌ شێوه‌یه‌كی گشتی شه‌ش به‌ش له‌خۆده‌گرێت، كه‌ تایبه‌ته‌ به‌ فه‌رمانبه‌ران و هاووڵاتیان و راییكردنی مامه‌ڵه‌كان، به‌شه‌ ئه‌لیكترۆكانیش بریتین له‌: (سه‌رچاوه‌ مرۆییه‌كان، ژمێریاری، نووسراوه‌كان، سكۆڵه‌رشیپ، داتاو زانیاری خوێندكاران و قوتابیان، یه‌كسانكردنی بڕوانامه‌كان).

له‌ كۆبونه‌وه‌كه‌دا د.یوسف گۆران وه‌زیری خوێندنی باڵاو توێژینه‌وه‌ی زانستی ئه‌وه‌ی روونكرده‌وه‌، كه‌ دونیای ئێستا دونیای پێشكه‌وتنه‌ له‌بواری ته‌كنه‌لۆژیا، بۆیه‌ پێوست ده‌كات بۆ هاووڵاتیان له‌ڕێگه‌ی سیستم و به‌رنامه‌ی ئه‌لیكترۆنیه‌وه‌ خزمه‌تی زیاتر بكرێن، بۆ ئه‌وه‌ش وتی: پێویسته‌و ده‌بێت ئه‌م سیستمه‌ به‌ سه‌ركه‌وتوویی جێبه‌جێ بكرێت، چونكه‌ هۆكارێكی گرنگه‌ بۆ باشتر به‌ڕێوه‌چوونی كاره‌كان و راییكردنی مامه‌ڵه‌كانیان، له‌به‌رئه‌وه‌ی مامۆستایان و فه‌رمانبه‌ران و خوێندكاران و هاووڵاتیان شایسته‌ی ئه‌وه‌ن زیاتر له‌مڕووه‌وه‌ خزمه‌ت بكرێن.

وه‌زیری خوێندنی باڵاو توێژینه‌وه‌ی زانستی وتیشی: ئه‌گه‌ر ئه‌م سیستمه‌ جێبه‌جێ نه‌كه‌ین چی رووده‌دات؟ له‌وباره‌یه‌وه‌ روونكردنه‌وه‌ی ته‌واوی پێشكه‌شكردو رایگه‌یاند: ئه‌گه‌ر ئه‌م سیستمه‌ جێبه‌جێ نه‌كه‌ین دواده‌كه‌وین و ناتوانین به‌گوێره‌ی پێویست خزمه‌تگوزارییه‌كانمان پێشكه‌شبكه‌ین. وتیشی: ئێمه‌ خۆمان پابه‌ند كردووه‌ به‌ جێبه‌جێكردنی ئه‌و سیستمه‌و ده‌بێت كاری پێبكه‌ین، چونكه‌ ئامانجی ئێمه‌ ئه‌وه‌یه‌ هۆكاره‌كانی ته‌كنه‌لۆژیا بخه‌ینه‌ خزمه‌تی هاووڵاتیان.

له‌باره‌ی پێشه‌نگی وه‌زاره‌تیش بۆ جێبه‌جێكردنی ئه‌و سیستمه‌ وه‌زیری خوێندنی باڵا ئاشكرایكرد، كه‌ ده‌بێت وه‌زاره‌تی خوێندنی باڵا پێشه‌نگ بێت، چونكه‌ ئه‌م وه‌زاره‌ته‌ لوتكه‌ی زانست و زانیارییه‌ له‌ وڵات، حكومه‌ت چاوه‌ڕوانی ئه‌وه‌ له‌ ئێمه‌ ده‌كات و هاووڵاتیانیش له‌ئاستی ئه‌و داواكاریه‌ن بۆیه‌ ده‌بێت ئامانجه‌كه‌مان بپێكین.

له‌ كۆتایی وته‌كانیشیدا د.یوسف گۆران وتی: له‌ جێبه‌جێكردنی ئه‌و سیستمه‌ گه‌ڕانه‌وه‌ نیه‌و ئێمه‌ رێگه‌یه‌كی دروستمان گرتوه‌ته‌به‌ر بۆ خزمه‌تی هاووڵاتیان.

له‌ به‌شێكی تری كۆبونه‌وه‌كه‌دا د.داود سلێمان به‌ڕێوه‌به‌ری گشتی ئه‌ندازه‌و پرۆژه‌كان له‌ وته‌یه‌كدا ده‌ستخۆشی له‌م هه‌نگاوه‌ گرنگ و پڕ بایه‌خه‌ی وه‌زاره‌ت كرد به‌ ئامانجی كه‌مكردنه‌وه‌ی رۆتین و جێه‌جێكردنی ته‌واوی به‌رنامه‌و پرۆژه‌كانی وه‌زاره‌ت به‌ سه‌ركه‌وتوویی هاوشان له‌گه‌ڵ سیستم و ته‌كنه‌لۆژیا تازه‌كانی دونیاو به‌ڕوونی گه‌یاندنی په‌یام و خزمه‌تی وه‌زاره‌ته‌كه‌مان بۆ فه‌رمانبه‌ران و هاووڵاتیان. وتیشی: بۆ سه‌رخستنی ئه‌م پڕۆژه‌ گرنگه‌ پێویستمان به‌ هه‌ماهه‌نگی و ته‌واوی فه‌رمانگه‌و فه‌رمانبه‌رانی وه‌زاره‌ت و هاوكاری هاووڵاتیان ده‌بێت.

به‌ جێبه‌جێكردنی سیستمی ئه‌لیكترۆنیكردنی وه‌زاره‌ت، چیتر هاووڵاتیان پێویست ناكات بۆ راییكردن و به‌دواداچوونی مامه‌ڵه‌كانیان كاتی زۆر به‌ رۆتینی كارگێڕی به‌سه‌ربه‌رن، به‌ڵكو له‌ڕێگه‌ی ئه‌پڵیكه‌یشنێكی تایبه‌تی مۆبایله‌وه‌ ده‌توانێت بچێته‌ ناو سیستمه‌كه‌و ته‌واوی زانیارییه‌كانی له‌باره‌ی مامه‌ڵه‌كه‌یه‌وه‌ بزانێت، ئه‌ویش به‌ دابه‌زاندنی ئه‌م ئه‌پڵیكه‌یشنه‌ له‌ مۆبایل به‌ ناونیشانی (MHE KRG) له‌ سیستمی ئه‌ندرۆید له‌ (Play store) یان به‌م لینكه‌ (https://play.google.com/store/apps/details?id=com.kardo.mhe)  كه‌ ئێستا به‌رده‌سته‌و بۆ سیسته‌می  (IOS) له‌ (App store ) به‌مزووانه‌ به‌رده‌ست ده‌بێت.

PUKmedia به‌ڕێوه‌به‌رایه‌تی راگه‌یاندنی وه‌زاره‌تی خوێندنی باڵاو توێژینه‌وه‌ی زانستی

وێنە هەواڵ
  • image04
  • بانه‌ شیوه‌ن ده‌گێڕێت

  • image04
  • كۆبونه‌وه‌ی مه‌كته‌بی سیاسی یه‌كێتی

  • image04
  • به‌فر حاجی ئۆمه‌ران-ی سپی كرد

  • image04
  • له‌سلێمانی په‌رده‌ له‌سه‌ر په‌یكه‌ری شار لادرا

  • image04
  • كەمال موفتی و شێخ حەمە ئەمین شێخ ئەولاك

  • image04
  • ژنانی سه‌ركرده‌ له‌ كۆبوونه‌وه‌ی G20

  • image04
  • سلێمانی ته‌رمی فه‌ریقی یه‌كه‌م كه‌مال موفتی له‌ ئامێزده‌گرێت

  • image04
  • دابه‌زینی پله‌كانی گه‌رما له‌ هه‌ندێك شاری روسیا


                                           

حزبی شیوعی: 16ی ئۆكتۆبه‌ر ده‌رهاویشته‌ی ریفراندۆم بوو


هاوڕێ باباعەلی: 16ی ئۆکتۆبەر دەرهاویشتەو کاردانەوەی ڕیفراندۆم بوو، ئۆپۆزیسیۆنی کوردی خەڵکیان توشی نائومێدیکردڕەخنەی لەسەردانەکەی مەسعود بازرانی گرت بۆ بەغدا.

لەئێوارە کۆ...


  هەزار و 300 هێلەك زەردی فەرەنسی دەستگیردەكرێن
  ئه‌ڵمانیا.. ئیواره‌یه‌كی هاورمۆنیای ره‌نگ و سروشت به‌ڕێوه‌چوو
                                           

پارێزگاری هه‌ڵه‌بجه‌: هه‌رێم و عیراق بەدەنگ پێداویستییەكانمانەوە هاتوون


ئیداره‌ی پارێزگای هه‌ڵه‌بجه‌ كارنه‌مه‌یه‌كی گشتگیر سه‌باره‌ت به‌ هه‌موو كێشه‌ و پێداویستیه‌كانی سنوری پارێزگای هه‌ڵه&...


  چوونه‌ده‌ره‌وه‌ی به‌ریتانیا له‌ یه‌كێتی ئه‌وروپا په‌سه‌ندكرا
  كەژاڵ ئەحمەد: ڕاگەیاندن غەدری زۆری لێكردووم
                                           

به‌ڤیدیۆ.. PUKmedia دانپێدانانی چه‌ند تیرۆرستێكی خۆكوژ بڵاوده‌كاته‌وه‌

ئاسایشی سلێمانی، گروپێكی تیرۆرستی ئینغیماسی و خۆكوژی داعش ، ئاشكراده‌كه‌ن و سه‌رپه‌رشتیارو چه‌ند خۆكوژێك وئه‌ندامانی ئه‌و گروپه‌و  هاوكارانشیا...


  رۆڵی‌ بێژه‌ر له‌ گه‌یاندنی‌ په‌یامی‌ هه‌واڵدا
  ناوەندی پرۆگرام و بەرنامەکان


کاریکاتێر