سەرۆك كۆمار سەرەخۆشی لە كۆسرەت رەسوڵ دەكات

.

ئێوارەی ئەمڕۆ دووشەممە 11ی حوزەیرانی 2018، لەپەیوەندییەكی تەلەفۆنیدا، د.فوئاد مەعسوم سەرۆك كۆماری عیراق پرسەو سەرەخۆشی لە كۆسرەت رەسوڵ عەلی كرد.

لەمیانی پەیوەندییە تەلەفۆنییەكەیدا، سەرۆك كۆماری عیراق پرسەو سەرەخۆشی و هاوخەمی خۆی گەیاندە كۆسرەت رەسوڵ عەلی بەهۆی كۆچی دوایی مامی بەڕێزیان و ئومێدی خواست ئەمە دوا كۆست و ناخۆشی خۆیان و بنەماڵەكەیان بێ.

لە بەرامبەردا، جێگری سكرتێری گشتی سوپاسی سەرۆك كۆماری عیراق و هەموو ئەو كەس و لایەنانەی كرد كە بەشداربوون لە پرسەی مام حەمیدو هاوخەمی خۆیان دەربڕیوە.

PUKmedia