مانشێت و كۆمێنته‌كان

.

مانشێت و كۆمێنته‌كان

د.شیركۆ عبدالله‌‌

توركیا ئاوی‌ رووباری‌ دیجله‌ی‌ گرته‌وه‌
-هه‌واڵه‌كان-
كۆمێنته‌كان
+ من هه‌ر له‌ ئه‌وه‌ڵ ده‌ققه‌وه‌ وتوومه‌ وه‌زعه‌كه‌ هه‌تا به‌ ته‌واوی‌ خراپ نه‌بێ‌ چاك نابێ‌. له‌به‌ر ئه‌وه‌ هیوادارم خوای‌ گه‌وره‌ تاعون و كولـله‌ و سن و كیسه‌ڵه‌شمان بۆ بنێرێ‌.
+ به‌ڕاستی‌ ئه‌م ئه‌ردۆغانه‌ خراپ ده‌ستی‌ داوه‌تێ‌. ئه‌مڕۆ ئاوی‌ دیجله‌ ئه‌گرێته‌وه‌ سبه‌ینێ‌ له‌وانه‌یه‌ قونسوڵخانه‌ش بكاته‌وه‌.
+ به‌ قه‌ناعه‌تی‌ من ئه‌مه‌ ته‌گبیری‌ عه‌بادی‌یه‌، تۆ ئاوه‌كه‌م لێ‌ بگره‌وه‌ منیش ئه‌چم به‌ په‌كه‌كه‌ ئه‌ڵێم ئه‌ها توركیا له‌سه‌ر تۆ چیمان لێ‌ ئه‌كا. بڕۆ بگوێزه‌ره‌وه‌. له‌گه‌ڵ تۆمه‌ ئه‌ڵێم بڕۆ بگوێزه‌ره‌وه‌.
+ هه‌مووی‌ حه‌سوودیی‌ ئه‌و چۆڕه‌ نه‌وته‌یه‌ پێمان ئه‌به‌ن. گوایه‌ خێرمان زۆر لێ‌ دیوه‌. بڵێ‌ قارداش وه‌ره‌ هه‌مووی‌ به‌ره‌ بۆ خۆت.
+ ئه‌ردۆغان خۆی‌ زه‌ره‌ر ئه‌كات چونكه‌ من ئاگادارم عه‌بادی‌ ڤیدیۆی‌ رووتی‌ ئه‌ردۆغانی‌ لایه‌. بگاته‌ تینی‌ بڵاوی‌ ئه‌كاته‌وه‌ و حه‌یای‌ ئه‌با.
+ قوربان گیان ئه‌مه‌ شه‌ڕی‌ زه‌ره‌نگه‌رانه‌یه‌ ئه‌یكه‌ن له‌گه‌ڵمانا. ئه‌ها له‌ ریفراندۆمه‌كه‌دا چۆن عه‌بادی‌ و ئه‌ردۆغان بوبوون به‌ سه‌روقنگی‌ یه‌كتری‌.
+ئه‌گه‌ر ماسته‌كه‌ موویه‌كی‌ تیا نی‌یه‌ بۆچی‌ له‌م عانه‌دا. ده‌با توركیا هه‌ڵیگرتایه‌ بۆ كاتێكی‌ تر.
+ دنیا قسه‌م بۆ بكات ده‌ستی‌ ئینگلیزی‌ تیایه‌، خۆ به‌وه‌ نابێ‌ خۆی‌ كڕكردووه‌. ئه‌وه‌ ئه‌بوناجی‌یه‌ و به‌ڕاستی‌.
+ باشه‌ بۆچی‌ هه‌ر باسی‌ دیجله‌ ئه‌كه‌ن، ئه‌ی‌ كوێرایتان داهاتووه‌ ئاوی‌ سیروان و زێ‌ی‌ بچووك نابینن؟!
+ وه‌زع وابڕوا بۆ ده‌ستنوێژ ئه‌بێ‌ وه‌ره‌قه‌ له‌ به‌ره‌ی‌ توركمانی‌یه‌وه‌ بێنین.