به‌وێنه‌وه‌.. چه‌ند زانیارییه‌كی سه‌یروسه‌مه‌ره‌

.

به‌وێنه‌وه‌.. چه‌ند زانیارییه‌كی سه‌یروسه‌مه‌ره‌

ئه‌م وێنانه‌ی خواره‌وه‌ هه‌ریه‌كه‌یان چیرۆكێكی سه‌یروسه‌مه‌ره‌ی هه‌یه‌.

1- كێشانی تابلۆی مۆنالیزا له‌لایه‌ن هونه‌رمه‌ندی جیهانی لیۆناردۆ داڤێنشییه‌وه‌، 10 ساڵی پێچووه‌.

2- ئه‌گه‌ر ئه‌مریكییه‌كان واز له‌ خواردنه‌وه‌ی رۆژانه‌ی سۆدا بهێنن، ئه‌وا ده‌كرێت به‌ هاتنی ساڵی 2020 رێ له‌ دوو ملیۆن حاڵه‌تی توشبوون به‌ نه‌خۆشی شه‌كره‌ بگیرێت.

3- سه‌رجه‌م پانداكانی جیهان موڵكی چینن. خۆ ئه‌گه‌ر پاندایه‌ك له‌ ده‌ره‌وه‌ی ئه‌و وڵاته‌ ببینیت ئه‌وه‌ به‌ڵگه‌ی ئه‌وه‌یه‌ دزراوه‌.

4- كۆمپانیای ئارامكۆی سعودیه‌ كه‌ له‌بواری نه‌وتدا كارده‌كات، هه‌ر رۆژه‌و زیاتر له‌ یه‌ك ملیار دۆلاری ده‌ستده‌كه‌وێت، واته‌ هه‌ر رۆژه‌و سه‌د ده‌فته‌ری سه‌دی!

5- پێكه‌نینی كه‌متیار ده‌كرێت له‌دووری سێ میله‌وه‌ ببیسترێت.

6- ئه‌م براده‌ره‌ ناوی بیڵی ئۆوینه‌. پیاوێكه‌ به‌هۆی نه‌خۆشی شێرپه‌نجه‌وه‌ چاوێك و نیوه‌ی ده‌ماخی له‌ده‌ستداوه‌. ئه‌م له‌ده‌ستدانه‌ی به‌كارهێناوه‌ بۆ ده‌ستكردن به‌ پیشه‌ی نواندنی رۆڵی زۆمبی.

7- له‌ ساڵی 2006 خانمێك به‌ناوی جۆیسی ڤینسنت پاش سێ ساڵ له‌ مردنی، له‌ شوقه‌كه‌ی له‌ له‌نده‌ن به‌ مردوویی دۆزرایه‌وه‌. كاتێك دۆزرایه‌وه‌ ته‌نها ئێسكه‌ په‌یكه‌ره‌كه‌ی مابوو و ته‌له‌فزیۆنه‌كه‌ی هه‌ر ئیشی ده‌كرد.

8- 11%ی هه‌موو ئاڵتونی جیهان به‌ خانمه‌ كابانه‌ هندییه‌كانه‌وه‌یه‌. ئه‌م بڕه‌ش له‌كۆی هه‌موو ئه‌و ئاڵتونه‌ یه‌ده‌گه‌ زیاتره‌ كه‌ ئه‌مریكا سندوقی دراوی نێوده‌وڵه‌تی، سویسراو ئه‌ڵمانیا پێكه‌وه‌ هه‌یانه‌.

9- ده‌كرێت له‌قه‌ی حوشتر مل واته‌ نه‌عامه‌ شێر بكوژێت.

10- پێكه‌وه‌بوونی قژی سورو چاوی شین، ده‌گمه‌نترین پێكهاته‌ی رووخساره‌ له‌ مرۆڤدا. ئه‌م حاڵه‌ته‌ به‌ شێوه‌یه‌كی سروشتی له‌ ته‌نها 1%ی دانیشتوانی جیهاندا هه‌یه‌.

11- له‌ چه‌رخه‌كانی ناوه‌ڕاستدا سزای خانمه‌ زۆربڵێكان ئه‌وه‌ بوو كه‌ به‌ناچاری چه‌ند قه‌فه‌زێكی كانزاییان ده‌كرد به‌سه‌ردا!

PUKmedia س: كتێبی والینامه‌ی سه‌یروسه‌مه‌ره‌/ چاپی هه‌شته‌م