ئه‌مه‌ل سه‌عید كورده‌.. بریقه‌یه‌كی كوردی له‌ مۆسیقای جازدا

.

ئه‌مه‌لی سه‌عید كورده‌ كۆتا قۆناغی خوێندنی زانكۆ ته‌واو ده‌كات و كارنامه‌ی زانكۆی به‌ ناوی ( بریقه‌یه‌كی كوردی له‌ مۆسیقای جازدا ) پێشكه‌ش ده‌كات.

خانمه‌ هونه‌رمه‌ند ئه‌مه‌لی سه‌عید كورده‌ كۆتا قۆناغی خوێندنی زانكۆی له‌ زانكۆیه‌كی هونه‌ری له‌ له‌نده‌ن ته‌واو ده‌كات و دوێنێ 5-6-2018 كارنامه‌ی زانكۆی به‌ناوی ( بریقه‌یه‌كی كوردی له‌ مۆسیقای جازدا ) پێشكه‌ش كرد.

خاتوو ئه‌مه‌ل ده‌ڵێت: وه‌ك چۆن كارنامه‌ی زانكۆكه‌م تێكه‌ڵكردنی مۆزیكی كوردی و چاره‌كه‌ تۆن و جاز بوو هه‌ر بۆیه‌ له‌پێشكه‌شكردنی كارنامه‌كه‌مدا جله‌كانیشم تێكه‌ڵكردنی دوو كلتوری بیانی و كوردی بوو كه‌ بریتی بوو له‌ ( دوو فه‌قیانه‌ و پشتێن و كڵاو به‌ هه‌وری و سه‌رپه‌رچه‌م له‌گه‌ڵ به‌رگێكی بیانی )>

هاوكات سوپاسی هه‌موو ئه‌و كه‌سانه‌ش ده‌كات كه‌ هاوكاری بون و به‌شداری مه‌راسیمی پێشكه‌شكردنی كارنامه‌كه‌یان كردوه‌.

ئه‌مه‌لی سه‌عید كورده‌ له‌ ساڵی 2004 روو له‌ ئه‌وروپا ده‌كات و له‌وێوه‌ بۆ درێژه‌دان و په‌ره‌پێدان به‌ هونه‌ره‌كه‌ی ده‌ست به‌خوێندن ده‌كات.

PUKmedia هاژه‌ باست