سبه‌ینێ مووچه‌ی وه‌زاره‌تی په‌روه‌رده‌ دابه‌شده‌كرێت

.

بڕیاره‌ سبه‌ینێ یه‌كشه‌ممه‌ مووچه‌ی مانگی ئازاری وه‌زاره‌تی په‌روه‌رده‌ دابه‌شبكرێت.

وه‌زاره‌تی دارایی و ئابووری له‌ راگه‌یه‌نراوێكدا كه‌ كۆپییه‌كی بۆ PUKmedia نێدراوه‌ رایگه‌یاندوه‌، له‌ سبه‌ینێوه‌ 3-6-2018 ده‌ست به‌دابه‌شكردنی مووچه‌ی وه‌زاره‌ته‌كان ده‌كرێت و یه‌كه‌م وه‌زاره‌تیش وه‌زاره‌تی په‌روه‌رده‌ مووچه‌ وه‌رده‌گرێت.

هه‌ر له‌و باره‌یه‌وه‌ وه‌زاره‌تی دارایی ئه‌مڕۆ له‌ راگه‌یه‌نراوێكی دیكه‌دا رایگه‌یاندوه‌، له‌مانگی داهاتوه‌وه‌ وه‌زاره‌تی پێشمه‌رگه‌ ده‌بێته‌وه‌ به‌ یه‌كه‌م وه‌زاره‌ت كه‌ مووچه‌ وه‌رده‌گرێت و وه‌زاره‌تی په‌روه‌رده‌ ده‌چێته‌وه‌ ریزبه‌ندی پێشووی، چونكه‌ دابه‌شكردنی مووچه‌ی وه‌زاره‌تی په‌روه‌رده‌ له‌ یه‌كه‌م وه‌زاره‌ت، به‌هۆی ئه‌و بایكۆته‌وه‌ بوو كه‌ مامۆستایان له‌پێناو مووچه‌كانیان بایكۆتی ده‌وامیان كردبوو.

PUKmedia تایبه‌ت