عیراق بڕی هه‌نارده‌و داھاتی نه‌وتی مانگی رابردوی ئاشكراكرد

.

ئه‌مڕۆ 1-6-2018، وه‌زاره‌تی نه‌وتی عیراق رایده‌گه‌یه‌نێت كه‌ له‌ مانگی رابردوودا زیاتر له‌ 108 ملیۆن به‌رمیل نه‌وتی ھه‌نارده‌ی ده‌ره‌وه‌ كردووه‌و داھاته‌كه‌شی زیاتر له‌ 7 ملیار دۆلار بووه‌.

به‌ پشتبه‌ستن به‌ ئاماره‌كانی كۆمپانیای سۆمۆ، وه‌زاره‌تی نه‌وتی عیراق ھه‌نارده‌و داھاتی نه‌وتی مانگی ئایاری رابردوی بڵاوكرده‌وه‌.

به‌ پێی ئاماره‌كه‌ی وه‌زاره‌تی نه‌وتی عیراق، له‌مانگی ئایاردا 108 ملیۆن و 194 ھه‌زارو 920 به‌رمیل بووه‌و داھاتی فرۆشتنی نه‌وتیش له‌و مانگه‌دا 7 ملیار و 566 ملیۆن و 294 ھه‌زار دۆلار بووه‌، به‌ڵام ھیچ بڕێكی ھانارده‌كردنی نه‌وت له‌ كێڵگه‌كانی كه‌ركوك تۆمار نه‌كراوه‌.

له‌ راگه‌یه‌نراوه‌كه‌ی وه‌زاره‌تی نه‌وتدا ئاماژه‌ بۆ ئه‌وه‌شكراوه‌، كۆی گشتی ھه‌نارده‌ی نه‌وت رۆژانه‌ گه‌یشتۆته‌ 3 ملیۆن و 490 ھه‌زار به‌رمیل، به‌تێكڕاش به‌رمیلێك نه‌وت له‌ مانگی ئایاردا به‌ زیاتر له‌  69 دۆلار فرۆشراوه‌.

PUKmedia