ڕێژه‌ی هه‌نارده‌كردنی نه‌وتی ئێران ئاشكرا ده‌كرێت

.

كۆمپانیای نیشتمانیی نه‌وتی ئێران ڕێژه‌ی هه‌نارده‌كردنی نه‌وتی وڵاته‌كه‌ی ئاشكرا كرد و ڕایگه‌یاند ڕۆژانه‌ نزیكه‌ی 3 ملیۆن به‌رمیل نه‌وت هه‌نارده‌ی ده‌ره‌وه‌ی وڵات ده‌كرێت.

ئاژانسی میهر له‌وباره‌یه‌وه‌ بڵاویكردۆته‌وه‌ كه‌ كۆمپانیای نیشتمانیی نه‌وتی ئێران ڕایگه‌یاندووه‌ له‌ مانگی نیسانی ئه‌مساڵه‌وه‌ ئێران ڕۆژانه‌ 2 ملیۆن و 750 هه‌زار به‌رمیل نه‌وتی خاوی بۆ ده‌ره‌وه‌ هه‌نارده‌ كردووه‌.

چین و هیندستان له‌ كڕیارانی نه‌وتی ئێرانن و دواتر فه‌ره‌نسا و ئیتالیا و یۆنان له‌ ریزبه‌ندی كڕیارانی نه‌وتی ئێران دان.

ئێران ڕۆژانه‌ زیاتر له‌ 800 هه‌زار به‌رمیل نه‌وت هه‌نارده‌ی وڵاتانی ئه‌وروپی ده‌كات.

PUKmedia