riklam

دژی به‌رزبونه‌وه‌ی كرێ و قه‌یرانی جێگا چه‌ند ته‌لارێك داگیرده‌كرێن

ئابوری 04:42 PM - 2018-05-21
.

.

له‌دژی به‌رزبوونه‌وه‌ی كرێی خانوو و قه‌یرانی بێ جێگایی چه‌ند ته‌لارێك له‌ به‌رلین داگیركران

به‌ دروشمی "مانه‌وه‌ی خانوی چۆل كارێكی نه‌شیاوه‌" كۆمه‌ڵێك خه‌ڵكی ناڕازی رۆژی 20-5-2018 نزیكه‌ی 8 ته‌لاری چۆڵیان له‌ناو به‌رلینی پایته‌ختی ئه‌ڵمانیادا داگیركردو له‌دژی قه‌یرانی نه‌بوونی خانوو گرانی كرێ په‌یامی خۆیان گه‌یانده‌ حكومه‌تی ئه‌ڵمانی و ڕه‌وشی سه‌ختی كرێنشینی و بێ جێگاییان ڕوونكرده‌وه‌.

وته‌بێژی پۆلیسی به‌رلین ڕایگه‌یاند: 8 ته‌لاری چۆڵ له‌لایه‌ن چالاكوانه‌ ناڕازیه‌كانه‌وه‌ داگیركراوه‌و ئه‌وان له‌گفتوگۆدان له‌گه‌ڵیان و پێشیان ڕاگه‌یاندوون كه‌ به‌هیچ شێوه‌یه‌ك به‌ داگیركاری ڕازی نابن و بۆشیان ڕوون نیه‌ چالاكوانان به‌شێوه‌ی كاتی تێیدا ده‌مێنه‌وه‌ یان ده‌یانه‌وێت داگیری بكه‌ن.

له‌مڕووه‌وه‌ په‌یوه‌ندیان كردووه‌ به‌ خاوه‌ن موڵكه‌كانه‌وه‌ تا چاره‌سه‌ریان بۆ بدۆزنه‌وه‌. وته‌بێژی پۆلیس ئاماژه‌ی به‌وه‌ش داوه‌ كه‌ له‌گه‌ڵ چالاكوانه‌كان به‌رده‌وامن له‌ گفتوگۆو هیچ گرژیه‌كیش رووینه‌داوه‌.

به‌پێی ڕاپۆرتێكی دۆیچه‌ڤیللـه‌ی ئه‌ڵمانی هێزێكی زۆری پۆلیس له‌ شه‌قامی "ڕایشنبێرگر" بڵاوكراوه‌ته‌وه‌و نوسیویشیه‌تی دروشمی ناڕازی له‌سه‌ر فشاره‌كانی پۆلیس كراوه‌ به‌و ته‌لارانه‌وه‌ كه‌ چالاكوانه‌كانی تێدایه‌ جگه‌ له‌ دروشمی "خانوی چۆڵ بۆ ئه‌وانه‌یه‌ كه‌ پێویستیان پێیه‌تی".

به‌پێی قسه‌ی وته‌بێژی پۆلیس هه‌زاران كه‌س له‌ به‌رلینی پایته‌ختی ئه‌ڵمانیا بێ جێگاو رێگان و پێشیانوایه‌ مانه‌وه‌ی خانوو به‌ چۆڵی كارێكی دروست نیه‌.

وته‌بێژی چالاكوانه‌ ناڕازیه‌كانیش ئاشكرایان كرد 40 شوقه‌و شوێنی بازرگانی چۆڵیان داگیركردووه‌و ئاكراشیان كرد كه‌ ناره‌زاییه‌كانیان به‌رده‌وام ده‌بێت و ئه‌م ده‌ستبه‌سه‌ردا گرتنه‌ به‌رده‌وام ده‌بێت و به‌ ناونیشانی "داگیری كه‌ن" بێت دیاریكردنی شوێن و جێگایان له‌سه‌ر تۆڕی ئیته‌رنێت بزوتنه‌وه‌یه‌كیان ڕاگه‌یاند.

PUKmedia شیهاب عوسمان - ئه‌ڵمانیا

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket