riklam

پۆلیس: بكوژانی ژنه‌كه‌ی بێستانه‌ پێشتر هاوسه‌ره‌كه‌شیان كوشتووه‌

ژنان‌ 09:32 AM - 2018-05-19
.

.

به‌ڕێوه‌به‌رایه‌تی پۆلیسی هه‌ولێر رایده‌گه‌یه‌نێت كه‌ دوێنێ به‌ر له‌ كوشتنی ئه‌و ژنه‌ی كه‌ له‌ بێستانه‌ ته‌رمه‌كه‌ی دۆزرایه‌وه‌، هاوسه‌ره‌كه‌شی به‌ ده‌ستی باوكی و دوو برای ئافره‌ته‌كه‌ كوژرابوو.

له‌ راگه‌یه‌نراوێكی پۆلیسی هه‌ولێردا كه‌ كۆپییه‌كی بۆ PUKmedia نێردراوه‌، رائید هۆگر عه‌زیز گه‌ڵاڵی وته‌بێژو به‌ڕێوه‌به‌ری راگه‌یاندنی پۆلیسی هه‌ولێر رایگه‌یاندووه‌: دوای ئه‌وه‌ی دوێنێ كه‌سێك له‌ گه‌ڕه‌كی سه‌فین كوژرا، پاش كه‌متر له‌ دوو كاتژمێر ته‌رمی ئه‌و ئافره‌ته‌ش له‌ڕێگای بێستانه‌ دۆزرایه‌وه‌ كه‌ وێنه‌كه‌ی له‌ تۆڕه‌ كۆمه‌ڵایه‌تییه‌كان بڵاوبوه‌وه‌و ناسنامه‌كه‌ی نادیار بوو.

روونیشیده‌كاته‌وه‌: بۆ پۆلیس ده‌ركه‌وتووه‌ كه‌ كوژرانی پیاوه‌كه‌، په‌یوه‌ندی به‌و ئافره‌ته‌وه‌ هه‌یه‌ كه‌ ناوی (شاناز)ه‌و هاوسه‌ره‌كه‌شی ناوی (ئارام عه‌بدوڵڵا عه‌بدولڕه‌حمان)ـه‌.

ده‌شڵێت: ئه‌و دوو هاوسه‌ره‌ كه‌ له‌لایه‌ن باوكی و دوو برای شانازه‌وه‌ كوژراون، ته‌نها هۆكار بۆ ئه‌و تاوانه‌ قێزه‌ونه‌ جیابوونه‌وه‌ی ئه‌و دوو هاوسه‌ره‌ بووه‌ له‌ یه‌كتری، چونكه‌ ئامۆزای یه‌كتر بوون.

ئاماژه‌ی به‌وه‌ش كردووه‌: باوكی شانازو دوو براكه‌ی به‌گوێره‌ی مادده‌ی 406 له‌ یاسای سزادان فه‌رمانی ده‌ستگركردنیان بۆ ده‌رچووه‌، پۆلیسیش په‌ڕاوی لێكۆڵینه‌وه‌ی بۆ رووداوه‌كه‌ كردوه‌ته‌وه‌و به‌مزووانه‌ زانیاری وردتر بۆ ده‌زگاكانی راگه‌یاندن ده‌خه‌ینه‌ڕوو.

PUKmedia تایبه‌ت

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket