وته‌بێژی ئه‌نجومه‌نی ناوه‌ندی: ته‌ندروستی عادل موراد ناجێگیره‌

.

وته‌بێژی ئه‌نجومه‌نی ناوه‌ندی رایگه‌یاند، ته‌ندروستی عادل موراد ناجێگیره‌و له‌ژێر چاودێری ورد دایه‌.

 له‌وباره‌یه‌وه‌ له‌تیف نێروه‌یی وته‌بێژی ئه‌نجومه‌نی ناوه‌ندی یه‌كێتیی نیشتمانیی كوردستان به‌ PUKmedia ی راگه‌یاند: به‌داخه‌وه‌ له‌ئێستادا ته‌ندروستی عادل موراد سكرتێری ئه‌نجومه‌نی ناوه‌ندی یه‌كێتیی نیشتمانیی كوردستان ناجێگیره‌و له‌ژێرچاودێریی ورد دایه‌.

 وتیشی: عادل موراد ماوه‌یه‌كه‌ بۆ چاره‌سه‌ر رووی له‌ وڵاتی ئه‌ڵمانیا كردوه‌و له‌ئێستادا له‌و وڵاته‌ ته‌ندروستی ناجێگیره‌و له‌ژێرچاودێری وردی پزیشكیدایه‌.

عادل موراد  یه‌كێكه‌ له‌ دامه‌زرێنه‌رانی یه‌كێتیی نیشتمانیی كوردستان و تیكۆشه‌ر و خه‌باتكارێكی دانه‌بڕاوی یه‌كێتیه‌و بۆ رۆژێك له‌خزمه‌ت دانه‌بڕاوه‌.

هه‌ر له‌و باره‌یه‌وه‌ هه‌ندێك ده‌زگای ناڕه‌سمی هه‌واڵ كۆچی دوایی عادل موراد-یان بڵاوكرده‌وه‌ ، به‌ڵام وته‌بێژی ئه‌نجومه‌نی ناوه‌ندی ئه‌و ده‌نگۆیانه‌ی ره‌تكرده‌وه‌و وتی: راسته‌ ته‌ندروستی ناجێگیره‌، به‌ڵام كۆچی دوایی نه‌كردوه‌.

PUKmedia دیار ستار