5 میوه‌ی گرنگی ره‌مه‌زان

.

مسوڵمانان له‌ مانگی پیرۆزی ره‌مه‌زاندا بۆ ماوه‌یه‌كی زۆر به‌ رۆژوو ده‌بن و له‌و ماوه‌یه‌شدا هه‌ست به‌ برسێتی و تینویه‌تی و بێ هێزی ده‌كه‌ن، به‌ڵام گه‌ر له‌ پارشێو و ئێواراندا جۆره‌ خۆراكێك له‌ ژه‌مه‌كانیان هه‌بێت كه‌ ده‌وڵه‌مه‌ند بێت به‌ ڤیتامینه‌كان و هه‌ستی تینویه‌تیان  كه‌م بكاته‌وه‌، ئه‌وا له‌ كاتی به‌ رۆژوو بوندا كه‌متر هه‌ست به‌ ماندویه‌تی ده‌كه‌ن، بۆیه‌ پێویسته‌ ئه‌و میوه‌ و خۆراكانه‌ بخۆن كه‌زۆر به‌سودن، ئێمه‌ش لێره‌دا به‌ پێنج میوه‌ی سه‌ره‌كیتان ئاشنا ده‌كه‌ین كه‌ پێویسته‌ به‌ درێژایی ره‌مه‌زان له‌سه‌ر خوانه‌كان بونیان هه‌بێت كه‌ ئه‌مانه‌ن:

1_ شوتی:  ئه‌م میوه‌یه‌ رێژه‌یه‌كی زۆر له‌ ریشاڵی سروشتی تێدایه‌، هه‌روه‌ها برێكی زۆر له‌ ئاویشی تێدایه‌ كه‌ قه‌ره‌بووی ئه‌و ئاوه‌ ده‌كاته‌وه‌ كه‌ له‌كاتی به‌ رۆژووبوندا له‌ ده‌ست ده‌چێت، بۆیه‌ پێویسته‌ به‌ شێوه‌ی شه‌ربه‌ت  یان به‌و شێوه‌یه‌ی كه‌ هه‌یه‌ بخورێت.

2_ خه‌یار: یه‌كێكه‌ له‌و سه‌وزه‌مانیانه‌ی كه‌ زۆر په‌یوه‌سته‌ به‌ جه‌سته‌وه‌، چونكه‌ رێژه‌یه‌كی به‌رچاو له‌ ئاو و ریشاڵی تێدایه‌،ئه‌مه‌ش ده‌بێته‌ هۆی باشتر كردنی هه‌رس كردن، هه‌روه‌ها خه‌یار ڤیتامین ( K,B6 و ئاسن)ی تێدایه‌.

3_ مۆز: مۆز به‌ ده‌وڵه‌مه‌ندی له‌ پۆتاسیۆم و رێژه‌یه‌كی به‌رچاو له‌ پۆرتین ناسراوه‌، كه‌ ئه‌م پێكهاتانه‌ ده‌بنه‌ هۆی باشتر كردنی چالاكی هه‌رس و به‌خشینی ووزه‌ به‌ مرۆڤ.

4_ خورما: خورماو ره‌مه‌زان دوانه‌یه‌كن كه‌ هه‌رگیز له‌ یه‌ك جیا نه‌بنه‌وه‌، چونكه‌ خورما له‌ پارشێواندا ده‌خورێت و بۆ ماوه‌یه‌كی زۆر له‌ گه‌ده‌دا ده‌مێنێته‌وه‌، هه‌روه‌ها مرۆڤ له‌ نه‌خۆشیه‌كانی دڵ ده‌پارێزێت.

5_ بابایه‌: ئه‌م میوه‌یه‌ به‌وه‌ ناسراوه‌ كه‌ ده‌وڵه‌مه‌نده‌ به‌ریشاڵیه‌كان و كالۆری  و رێژه‌ی شه‌كری كه‌مه‌، بۆیه‌ كار له‌سه‌ر باشتر كردنی هه‌رس و جوانتركردنی روخسار و قژ ده‌كات.

PUKmedia  و/ گۆران قادر
س:mbc