كۆمسیۆن: ژیانی سەعید كاكەیی هەڕەشەی لەسەرە

.

لایەنێكی سیاسی كە لەهەڵبژاردنەكەی 12ی ئایاری پەرلەمانی عیراقدا زیانیكردوە هەڕەشەی كوشتن لە ئەندامێكی ئەنجومەنی كۆمسیاران و خێزانەكەی دەكات.

ئەنجومەنی كۆمسیارانی كۆمسیۆنی باڵای سەربەخۆی هەڵبژاردنەكانی عیراق لە بەیاننامەیەكدا كە وێنەیەكی گەیشتۆتە PUKmediaی رایگەیاند: دكتۆر سەعید كاكەیی كە یەكێكە لەئەندامانی ئەنجومەنی كۆمسیارانی كۆمسیۆن لەلایەن لایەنێكی سیاسیەوە هەڕەشەی كوشتن لەخۆی و خێزانەكەی كراوە.

ئەنجومەنەكە دەشڵێت: لایەنێكی سیاسی كە زەرەرمەندی ئەنجامەكانی هەڵبژاردنە جگە لەهەڕەشەی كوشتن ناچاریشیان كردوە كە دەست لەكاربكێشێتەوە، یان لە راگەیاندنەكانەوە لەبەرژەوەندی لایەنەكەوە لێدوان بدات.

لەكۆتایی بەیاننامەكەیدا ئەنجومەنی كۆمسیاران بەرپرسیارێتی ژیانی ئەندامەكەیان و خێزانی كاكەیی دەخاتە ئەستۆی ئەو لایەنە سیاسیەی هەڕەشەی لێكردوەو داوای پاراستنی گیانی ئەندامەكەشیان دەكەن.

 PUKmedia