كاندیدێكی لیستی 162: روبه‌روی گه‌نده‌ڵی ده‌بینه‌وه‌

.

كاندیدێكی یه‌كێتی رایده‌گه‌یه‌نێت لیستی 162 كاربۆ خزمه‌تكردنی هاونیشتمانیان ده‌كات له‌ نه‌ینه‌وا.

سه‌ڵاح محه‌مه‌د ئه‌نوه‌ر محه‌مه‌د كاندیدی ژماره‌ 11 له‌ لیستی 162 ی یه‌كێتیی نیشتمانیی كوردستان له‌لێدوانێكی تایبه‌تدا به‌ PUKmedia ی راگه‌یاند: لیسته‌كه‌ی مام كاربۆ روبه‌روبونه‌وه‌ی گه‌نده‌ڵی و لێپرسینه‌وه‌ له‌ گه‌نده‌ڵكاران ده‌كات.

وتیشی: لیسته‌كه‌مان كار بۆ دابینكردنی هه‌لی كار بۆ گه‌نجان و گرنگی دان به‌ كه‌رتی په‌روه‌رده‌ و خوێندن و خزمه‌تگوزاریه‌كان و بنیاتنانه‌وه‌ی پارێزگای نه‌ینه‌وا ده‌كات.

ئاماژه‌ی به‌وه‌شكرد، له‌كاره‌ سه‌ره‌كیه‌كانی لیستی 162 پارێزگاری كردنه‌ له‌ پاراستنی ئه‌منیه‌تی نه‌ینه‌واو روبه‌روبونه‌وه‌ی تیرۆر و گرنگیدان به‌ كه‌رتی ته‌ندروستی و دابینكردنی ژیانێكی گونجاو بۆ ئه‌و گه‌نجانه‌ی كه‌هاوسه‌رگیری ده‌كه‌ن.

PUKmedia تایبه‌ت