خانمێك لەجیاتی دامەزراندن كاری ده‌ستی ده‌كات

.

به‌هۆی دانه‌مه‌زراندنیه‌وه‌ له‌ شاری كۆیه‌، خانمێك كاری ده‌ستی و جوانكاری بۆ كه‌لوپه‌له‌كان ده‌كات و ده‌یانفرۆشێته‌وه‌.

خاتوو رۆسا ره‌نج ده‌رچووی به‌شی ژمێریاریه‌ له‌ په‌مانگای ته‌كنیكی كۆیه‌، به‌ PUKmedia ی راگه‌یاند: ماوه‌ی دوو ساڵه‌ كاری ده‌ستی ده‌كه‌م، كاره‌كانیشم بریتییه‌ له‌ دروستكردن و جوانكردنی كه‌لوپه‌لی شووشه‌، به‌زۆری كه‌لوپه‌له‌كانیشم له‌ سلێمانی و هه‌ولێر بۆدێت و به‌ نرخێكی گونجاو ده‌یانفرۆشمه‌وه‌، تائێستاش دوو پێشانگام كردووه‌ته‌وه‌و خه‌ڵكانێكی زۆریش له‌ شاره‌كانی كوردستان په‌یوه‌ندیان پێوه‌ كردووم له‌سه‌ر خواستی خۆیان جوانكاریم بۆ كردوون.

وتیشی: به‌رده‌وامده‌بم له‌ كاره‌كه‌م، داواكاریشم ئه‌و خانمانه‌ی بێكارن و دانه‌مه‌زراون چ له‌ماڵه‌وه‌ یان له‌ده‌ره‌وه‌ كاربكه‌ن.

PUKmedia كاوه‌ عه‌بدوڵڵا