}

یه‌كێتی له‌ خزمه‌تی كۆمه‌ڵانی خه‌ڵكی كوردستان

ی.ن.ک‌‌ 12:06 PM - 2021-07-28

.

یه‌كێتیی نیشتیمانیی كوردستان هه‌ر وه‌ك چۆن هه‌موو كات كاریكردووه‌، بۆ چه‌سپاندن و گه‌شه‌پێدانی مافی چاره‌ی خۆنوسین و مافی مرۆڤ و دیموكراسی و ئاشتی و ئارامی كه‌ به‌ ئێستاشه‌وه‌ به‌رده‌وام له‌ خه‌باتی بێ وچانداندایه‌ بۆ زیاتر ده‌سته‌به‌ركردنیان، له‌ ڕێگه‌ی سیاسی و دبلۆماسیی و به‌هێزی نوێنه‌ره‌كانی یه‌كێتیی نیشتیمانیی كوردستان له‌ ڕۆڵ و ئه‌ركه‌كانیان دا له‌ هه‌رێمی كوردستان و عێراق و ده‌ره‌وه‌ی وڵات هه‌موو كات له‌ ئه‌ركدا بوون بۆ ده‌سته‌به‌ركردنی ژیانێكی شایسته‌ بۆ كۆمه‌ڵانی خه‌ڵكی كوردستان.

له‌ نوێترین هه‌وڵه‌كانی یه‌كێتی نیشتیمانی كوردستان ، هه‌وڵدان بۆ ده‌سته‌به‌ركردنی مافه‌كانی هه‌رێمی كوردستان كه‌ خۆیان له‌ ( شایسته‌ داراییه‌كان و سه‌ربازی و هتد…) ده‌گرێته‌وه‌، كه‌ خۆشبه‌ختانه‌ سه‌رۆكی تیمی دانوستاندكار له‌گه‌ڵ حكومه‌تی عێراق كادرێكی زیره‌ك و لێزانی جوڵه‌ سیاسییه‌كان بوو كه‌ ئه‌ویش قوباد تاڵه‌بانی (مامی بچووك)ه‌.

له‌ كاتێكدا به‌رده‌وام و به‌بێ كۆڵدان و ماندووبوون ، شه‌و و ڕۆژ خرابویه‌ سه‌ریه‌ك به‌مه‌به‌ستی سه‌ركه‌وتن له‌ دانوستاندنه‌كاندا له‌ پێناو گه‌ڕانه‌وه‌ی بژێوی ژیانی خه‌ڵك و ده‌سته‌به‌ركردنی مافه‌كانیان ،هه‌ر له‌و كاته‌دا هه‌ندێك لایه‌نی سیاسی و كه‌سایه‌تی به‌ ڕاسته‌وخۆ و ناڕاسته‌وخۆ ده‌هۆڵی سه‌رنه‌كه‌وتنی دانوستانه‌كانی قوبادی مامی لێ ده‌دا و به‌رده‌وام ، له‌ هه‌وڵدابوون بۆ ساردكردنه‌وه‌ی و هاندانی كۆمه‌ڵانی خه‌ڵك له‌ ئه‌گه‌ری سه‌رنه‌كه‌وتن تا ئاگر خۆشبێت و خه‌ڵك به‌ توڕه‌یی و بێزاریه‌وه‌ دژایه‌تی بكه‌ن به‌ په‌یامه‌كانیان ، به‌ڵام هه‌موو كادرانی یه‌كێتیی نیشتیمانیی كوردستان له‌ كوردستانه‌وه‌ په‌یام و پاڵپشتیان بۆ كاك قوباد ده‌رده‌بڕی له‌ كاتێكدا ئه‌و له‌ به‌غداد بوو، جه‌ماوه‌ری یه‌كێتی دڵنیابوون له‌ زیره‌كی و توانای كه‌ به‌سه‌ركه‌وتووی ده‌گه‌ڕێته‌وه‌.

له‌ ئه‌نجامدا به‌سه‌ركه‌وتووی گه‌ڕایه‌وه‌و مژده‌ی خۆشبه‌ختی پێبوو كه‌ به‌ جۆرێ له‌و ئه‌ركه‌ی كه‌ له‌سه‌ر شانی بوو ، به‌ته‌واوی و به‌ سه‌ركه‌وتووی به‌جێیهێنا، به‌ڵام هه‌ر دوای سه‌ركه‌وتنی هه‌ر لایه‌نه‌و لای خۆیه‌وه‌ بانگه‌شه‌ی سه‌ركه‌وتنی ڕێكه‌وتنه‌كه‌ی ده‌كرد كه‌ گوایه‌ به‌ هه‌وڵی ئه‌وان بووه‌، به‌ڵام هه‌موو خه‌ڵكی كوردستان و عێراق ده‌زانن ڕۆڵی سه‌ره‌كی و سه‌ركه‌وتنی قوبادی مام و یه‌كێتیی نیشتیمانیی كوردستانه‌ و لایان ڕوونه‌.

 یه‌كێتی نیشتیمانی كوردستان  هه‌موو كات خزمه‌تكاری كۆمه‌ڵانی خه‌ڵكی بووه‌ ، وه‌ك چۆن هه‌موو كات ئاماده‌ بووه‌ به‌رژه‌وه‌ندیاكانی خۆیشی بكاته‌ قوربانی بۆ كۆمه‌ڵانی خه‌ڵكی كوردستان، و هیچ كات ماندوو نه‌بووه‌ له‌ خه‌باتكردن بۆ ده‌سته‌به‌ركردنی مافه‌كانیان .

له‌ كۆتاییدا دوای ١٠ سه‌ردانی كردن و ٢٠٦ كاتژمێر كۆبوونه‌وه‌ وه‌ك چۆن كاك قوباد له‌و كاتدا وتی "ناگه‌ڕێینه‌وه‌ تا نه‌گه‌ین به‌ ئه‌نجام."

به‌هه‌وڵه‌كانی یه‌كێتی نیشتیمانی كوردستان له‌ ناو حكومه‌ت و له‌ده‌ره‌وه‌ی حكومه‌ت ئه‌م به‌رهه‌مه‌ ده‌سته‌به‌ربوو، له‌پێناو ئه‌وه‌ی له‌به‌رژه‌وه‌ندی و خزمه‌تكردنی كۆمه‌ڵانی خه‌ڵك به‌كار بهێندرێت خۆشبه‌ختانه‌ له‌ئێستادا به‌هۆی ئه‌و دانوستاندنانه‌ی كه‌ له‌ڕابردوو كرا ، لێبڕینی مووچه‌ لابرا كه‌ ئه‌مه‌ش هۆكارێكه‌ بۆ بوژانه‌وه‌ی بازاڕ و باشتركردنی بژێوی ژیانی خه‌ڵك.

لێره‌دا ڕوونه‌ خه‌ڵكی كوردستان ده‌بێت به‌ گرنگه‌وه‌ سه‌یری نوێنه‌رانی یه‌كێتیی نیشتیمانیی كوردستان له‌ حكومه‌تدا بكات كه‌ چۆن به‌رده‌وام به‌ ئه‌زموون و لێهاتووانه‌ به‌ بێ ماندوو بوون له‌ هه‌وڵدان بۆ ده‌سته‌به‌ركردنی مافه‌كانیان، و بۆ به‌رده‌ووامی و پاراستنییان ده‌بێت له‌ هه‌ڵبژاردنه‌كاندا پشتیوانی یه‌كێتیی نیشتیمانیی كوردستان بن .

زانا ئه‌بوبكر ئه‌حمه‌د

 PUKmedia


 
 

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

دابەزێنە

The News In Your Pocket