ئه‌مریكا نیو ملیۆن ژه‌مه‌ ڤاكسین ده‌به‌خشێته‌ عيراق

.

ئه‌مریكا نیو ملیۆن ژه‌مه‌ ڤاكسین و ده‌یان ملیۆن دۆلار بۆ چه‌ند بوارێكی ھه‌مه‌جۆر ده‌به‌خشێته‌ عیراق.

به‌گوێره‌ی راگه‌یه‌نراوی ھاوبه‌شی ئه‌مریكا و عیراق، ئه‌مریكا بڕیاریداوه‌ نیو ملیۆن ژه‌مه‌ ڤاكسینی جۆری فایزه‌ر ببه‌خشێته‌ عیراق و ده‌یان ملیۆن دۆلاریش بۆ كه‌رته‌كانی ته‌ندروستی و په‌روه‌رده‌ و ژینگه‌ی عیراق دابین بكات.

به‌خشینی نیو ملیۆنه‌ ژه‌مه‌ ڤاكسین به‌ عیراق له‌ كاتێكدایه‌ ژماره‌ی حاڵه‌ته‌كانی توشبوون و گیانله‌ده‌ستدان به‌ ڤایرۆسی كۆرۆنا بۆ ئاستێكی مه‌ترسیدار به‌رزبووه‌ته‌وه‌.

ئه‌مه‌ له‌ كاتێكدایه‌ پێشتریش ئه‌نتۆنی بلینكن وه‌زیری ده‌ره‌وه‌ی ئه‌مریكا رایگه‌یاندبوو، ئه‌مریكا بڕی 155 ملیۆن دۆلار ھاوكاری ده‌به‌خشێته‌ عیراق.

PUKmedia ئاژانسه‌كان