بەهۆی بۆردومانی تورکیاوە بەرهەمی ناوخۆیی کەمی کردوە

.

ژبەر بوردومانکرنا بەردەواما سوپایێ دەولەتا تورکیا بو سەر گوندو دەڤەرێن چیایی ل سنورێ قەزا زاخو بەرھەمێ کشتوکالیێ ناڤخوە کێم بویە ژبەرکو کارێ جوتکاریێ ب زەحمەت کەتیە،

ئێک ژ جوتیارێن بناڤێ حجی فارس ب PUKmedia راگەھاند ئەڤسالە رێژەکا زورا عەردێ جوتیارێن گوندێن سەر ب ناحیا کانی ماسێ ڤە ھاتیە سوتن و سوپایێ تورکیا ژی گەلەک نێزیکی رەزو باخێن دەڤەرێ ب گشتی بویە ئەڤێ چەندێ ژی وەکریە جوتیار ژبو پاراستنا گیانێ خوە دەست بەرداری کارێ خوە ببن و نەچنە ناڤ بیستانێن خوە ئەڤەژی بویە ئەگەرەکێ سەرەکی کو بەرھەمێ کشتوکالیێ وێ دەڤەرێ بو دھوکێ کێم ببیت،

دنھادا ل قەپانێن فێقی و خەزرەواتی جودا ژ سالێن بوری وەکو پێدڤی بەرھەمێ خومالی ناھێتە دیتن چونکە دەڤەرا بەرواریا بەرنیاسە ب کشتوکالەکێ جوان و ب تمام لێ ژ ئەگەرێ فان بوردومانێن بەردەوام و سوتنا باخێن دەڤەرێ بوینە سەدەمێ ژ دەست دانا بەرھەمێ کشتوکالی کو پێشی چەندەکێ ژی ژمارەکا ھاولاتیان مال و گوندو جھێن خوە بجھ ھێلان و ئاوارەیی دەڤەرێن ئارام بـون.

ئەوی جوتیاری ئاماژەدا کاریگەریا بەردەواما فان بوردومانێن سوپایێ تورکیا و گوت: ھەرچەندە ئەڤسالە بەرھەمێ کشتولی ب گشتی گەلەکێ باشە بەلێ ئەوا جوتیاران دڤێت لایەنێن پەیوەندی دار قەرەبویا وان جوتیارێن زیان ڤێکەفتی بکەن و ئەگەر بڤی ئاوایی بوردومان بەردەوام بن رەنگە سالێن داھاتی زێدەتر ئەڤ بەرھەمە کێم ببیت.

PUKmedia ئانا دیدار