}

پارەی رێگەدان بە داخڵبوونی ئوتومبێل بۆ خاكی ئێران كەمدەكرێتەوە

کوردستان 10:23 AM - 2021-07-22

.

بەڕێوەبەری گشتی پەیوەندییەكانی نێوان كۆماری ئیسلامی و ھەرێمی كوردستان ھۆكاری رێگە نەدان بە چوونی ئوتومبێلی ھاووڵاتیانی ھەرێم بۆ خاكی ئێران ئاشكرادەكات و دەشڵێت، لە ئێستادا پێدانی ڤیزای ئێران تەنھا بۆ حاڵەتی پێویستە.

لەوبارەیەوە عەبدوڵڵا ئاكرەیی بەڕێوەبەری گشتی پەیوەندیەكانی نێوان كۆماری ئیسلامی و ھەرێمی كوردستان رایگەیاند: بەھۆی رێككارەكانی ڤایرۆسی كۆرۆنا لە ئێستادا پێدانی ڤیزای ئێران بۆ ھاووڵاتیانی ھەرێمی كوردستان تەنھا بۆ حاڵەتی پێویستە، بەڵام لە ھەرێمی كوردستان دەروازەكان بەڕووی ھاتوچۆی گەشتیارانی ئێراندا كراوەیە.

باسی لەوەشكرد: ھەركاتێك ھاتوچۆ ئاسایی بكرێتەوە چاوەڕوان دەكەن لەلایەن حكومەتی ئێرانەوە بڕیاری ھەڵگرتنی ڤیزا بۆ ھاووڵاتیانی ھەرێمی كوردستان بدرێت.

لەبارەی رێگەنەدان بە بردنی ئوتومبێلی ھاووڵاتیانی ھەرێم بۆ خاكی ئێران وتی: پێشتر لە رێگەی كۆمپانیاوە مۆڵەتی داغڵبوونی ئوتومبێل بۆ خاكی ئێران بە ھاووڵاتیان دەدراو بڕی 250 دۆلاریان لێوەردەگیرا ئەوە پارەیەكی زۆرە و لە ئێستادا كار بۆ ئەوە دەكرێت پارەكە كەمبكرێتەوە بۆ 100 دۆلار.

PUKmedia كوردسات نیوز

ئەمانەش ببینە

زۆرترین خوێنراو