کانەبەردەکانی پێنجوێن نیگەرانی لێدەکەوێتەوە
ریپۆرتاژ 01:32 PM - 2021-07-09.
کارکردان لە کانە بەردەكانی ناوجەرگەی سروشت لە قەزای پینجوێن، هۆكارێكن بۆ تێكدانی ژینگە و لەناوبردنی دارستانەكان ئەو سنورەیە ئەمەش دەبێتە هۆی گلەی و بێزاری لای هاوڵاتیانی ئەو ناوچەیە.
ڕێبوار کەمال سەرۆکی ڕیکخراوی ملەکەوە بۆ پاراستنی ژینگە بە PUKmedia ی ڕاگەیاند: تەنها لە سنووری قەزای پێنجوێن (20) كانە بەرد ئێستا کار دەکەن و پێشتریش زیاد لە (60) كان كاری تێداكراوە، لە دوای سووتان (هەڵکەند و دەرهێنان) بۆ مەبەستە جیاوازەکان پلەی دووەم و بڕینی دارستانەکان پلەی سێهەمی لە وێراکردنی سروشت و ژینگەدا هەیە.
وەک (ڕێكخراوی ملەكەوە بۆ پاراستنی ژینگە) لە (2019/6/10) نووسراومان داوەتە (داواكاری گشتی پێنجوێن) و دواتر یاداشت و نووسراومان ئاڕاستەی سەرجەم لایەنە پەیوەندیدارەکان کردووە لەوانە: (فەرمانگەی ژینگەی سلێمانی، وەزارەتی كشتوكاڵ، دەستەی ژینگە، لیژنەی تەندروستی و ژینگەی پەڕلەمانی كوردستان و ئەنجومەنی پارێزگای سلێمانی، پارێزگای سلێمانی، قائیمقامیەتیی قەزای پێنجوێن) کردووە. تێیدا داوای ڕاگرتن و سنوورداركردنی کار کردنی کانە بەردەکانمان لە پێناو پاراستنی (دارستان و ژینگە) کردووە.
بەڵام ، تا ئێستا وەك پێویست و لە پێناو بەر گرتن بە وێرانکاریی كارێکی وەها نەكراوە، مایەی دڵخۆشی بێ.
وتیشی : چەند خاڵێك لەسەر شێوازی مۆڵەت و كاری كانەبەردەكان جێگای پرسیار و هەڵوێستە لەسەر كردنە ئەوانیش :
١- بەپێی یاسای ژمارە(10)ساڵی (2012)مادەی (3) لە یاسای (دارستان)هاتووە، پێویستە كانە بەردەکان مۆڵەتی (وەزارەتی كشتوكاڵ)ــیان هەبێت و ئەوان مۆڵەتیان پێ بدەن، نەك لەلایەن فەرمانگە و یەكەی ئیداریی و وەزارەتێكی دیكە مۆڵەت وەربگرن.
ئاماژەی بەوەشکرد:- لەو ڕوانگەیەوە كانە بەردەكانی ئەم سنوورە مۆڵەتی وەزارەتی كشتووكاڵیان نیە ! ئەم یاسایەش لەپاش ئەو یاسا و ڕێنماییانە دەرچووە، كە بەڕێوەبەرایەتی نەوت و كانزاكان لە ئێستادا كاری پێدەكات.
زیاتر وتیشی: هەموو کانە بەردەکان لە سنووری دارستانن و هەندێکیشیان لەناوجەرگەی دارستانی چڕ مۆڵەتیان پێدراوە، ئەمەیش دەبێتە هۆی لە ناوبردنی هەزاران درەخت و تێكدانی ژینگە، وەك كانەبەردی گوندەکانی (هەنگەژاڵ و هاربڕ و مڕان و بیستان و سیاگوێز).
ئەوەشی وت: سنوور و ناوچەی كاریان بۆ دیاری ناكرێت وەك ئەو وێرانكارییەی لە گوندی بێستان ئەنجامیان دابوو، هەندێك جار دەیان دۆنم دەكەنە وێرانە، لە كاتێكدا ئەوان مۆڵەتی نیو(دۆنم) یان پێدەدرێت.
ئەوەشی خستەڕوو :- ڕەچاوی نزیكی لە شوێنی نیشتەجێبوون و كانیاو و شوێنی پیرۆز و گەشتیاریی ناكرێت٫ و یاسا و ڕێنماییەكانیان لەسەر جێبەجێ نەكراوە وەک ،نزیكیی کار کردنی كانەبەردی گەڕەكی (كانی گۆیژ- پێنجوێن)، كانەكە تەنها(120)م لە شوێنی نیشتەجێبوونی هاوڵاتیانەوە دوورە، هەروەها ئامێرەكەیان(دەقاق) پلەی پێوانەی دەنگیی لەناو ماڵەكاندا (74)پلەی (دیسبڵە)، ئەمەیش ڕێ پێنەدراوە و مەترسیدارە لە سەر تەندروستی هاوڵاتیان .
زیاتر وتیشی: نزیكی كانە بەردی گوندی (سووراو)لە ناحیەی (گەرمك)، لە کاتی کارکردن تەقەمەنییان بەکار هێناوە، ئەمەیش مەترسی و دڵە ڕاوكێی بۆ گووندنشینان و جوتیاران درووست كردووە، بەم هۆكارە ساڵی ڕابردوو گوندنشینێك بریندار بووە، بەڵام نەگەیەنراوە بە دادگا و بە ڕێكەوتنی كۆمەڵایەتی چارەسەر كراوە.
ئەوەشی خستەڕوو: نزیكی كانە بەردی گوندی سیاگوێز لە كانیاو و مەزارگەوە، كە تەنها لەم گوندە (شەش) كانەبەرد لەكاردان و بە وتەی گوندنشینێک:"بە تەواوی بوونەتە هۆی لە ناوچوونی سروشت و ژینگەی گوندەكەیان. جگە لەوەی بوونەتە بارگرانی هاتووچۆ و دروست کردنی تەپوتۆز و بێزار کردنی گوندنشینان، بەهۆی قوورسی بارهەڵگرەکانەوە زۆربەی جادەکان تێکچوون و هەندێک جار مەترسی ڕووداوی هاتووچۆش دروست دەکەن، چونکە زیاد لە کێشی بارهەڵگرەکان بەرد بار دەکەن،
جێ ئاماژەیە: هەندێك لە كانەكان هیچ مۆڵەتێکیان نەبێت٫ ئەمانە و دەیان گرفتی دیكەی كانەكان وا دەكات، داوا بكەین كاری كانە بەردەكان ڕابگیرێن، تا بە پێی یاسا مۆڵەتی وەزارەتی كشتوكاڵ بە لەبەرچاوگرتنی پاراستنی دارستانەكان و سروشت و ژینگە وەردەگرن، پێویستە كار بۆ ئەوە بكرێت فەرمانگەی ژینگە ئەندامی لە كۆنووسی مۆڵەتی كانەبەردەكان هەبێت، تا خوێندنەوە بۆ سەرجەم ڕەهەندەكانی ژینگە بكرێت.
جەزا عەبدوڵا قادر ئەنجومەنی گوندی سیاگویز بە PUKmedia ی ڕاگەیاند: لای خۆمان چەندین جار نوسراومان بەرزکردۆتەوە بەڵام بەڵینی بێ کردار بووە تائێستە بەگوێمان نەکراوە جێبەجێ نەکراوە وتیشی :- ئەم کانەبەردانە بوونەتە هۆی گرفت و کێشەی جۆراو جۆر بۆ خەڵکی ئەو گوندانە ، ئەویش خراپ بوونی ڕێگا وبانەکان ناشرین کردن وسیمای دارستان و ژینگەی ناوچەکە . دوکەڵی پیس دەبێتە هۆی چەندین نەخۆشی ڕەبۆو تەنەگەنەفەسی کیشەی تەندروستی بۆ هاوڵاتیانی ئەم ناوچەیە، وە بووەتە هۆی ترس و دڵڕاوکێش بە بۆنەی ئەو ئامیرانەی لەوی کاردەکەن دەنگیان بەرزە وبیزارکەرە، بووەتە هۆی ویران کردن و خراپ بوونی چەندین کانی و کارێزی ناوچەکە کە زیان بە باڵندە کیووییەکانی ئەو سنورە دەگەینێت .
زیاتر وتیشی: لە سنوری گوندی سیاگوێز 7کانە بەردی تێدایە ئیشی تێدا دەکرێت لەئیستایە ، هیوادارم شوێنێکی گونجاو بدۆزرێتەوە ببرینە دەرەوەی قەزاکە نەک نزیک لەناو ماڵاندا کار بکەن .
غەریب عەلی عەبدوڵا بەڕێوبەری ناحیەی گەرمک بە PUKmedia ی ڕاگەیاند: ئەو کارگانە بەپێی یاسا کاردەکەن لەو شوێنانە مۆلەتییان پێ دراوە مۆڵەتی ساڵانە .
وتیشی : بەپێی یاسایی وەبەرهێنان و کانزانکان ئەو کانە بەردانە کاردەکەن .
ئەوەشیخستەروو: ناحیەی گەرمک 13 کانە بەردی تێدایە کارکردن تێدا بەردەوامە
ئاماژەی بەوەشکرد: هەر کۆمپانیایک لەوی کاردەکەن پێمان وتوون کەوا ڕێنمایەیە ژینگەیەکان جێبەجێ نەکەن زیان بە دارستان و ژینگەی گوندەکان بگەینێت سزا ئەدرێن .
PUKmedia محەمەد عەبدولڕەحمان/شارەزوور
هەواڵی زیاتر
-
سەرۆكکۆمار: کردنەوەی بارەگای مەکتەبی سیاسی یەکێتی لە بەغدا گرنگە
04:46 PM - 2024-04-24 -
قوباد تاڵەبانی: هەر رۆژەی بیرخەرەوەی تاوانێکە
01:47 PM - 2024-04-24 -
سەرۆک بافڵ: یەکێتی لەقەرەبووکردنەوە و خزمەتی خەڵکی قەڵادزێ بەردەوامە
01:12 PM - 2024-04-24 -
سەعدی ئەحمەد پیرە: بۆردومانی قەڵادزێ ببێتە هەوێنی یەکڕیزی
12:39 PM - 2024-04-24
ئەمانەش ببینە
کوردستان 05:13 PM - 2024-04-24 لە هەولێر و بەغدا زۆرترین پێشێلکاری بەرامبەر رۆژنامەنووسان ئەنجامدراوە
پەیامی یەکێتی دەگەیەنرێتە بەرەی تورکمانی
05:01 PM - 2024-04-24
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
12:30 PM - 2024-04-24
وەفدێکی حکومیی عیراق بەشداری ساڵیادی بۆردومانی قەڵادزێ دەکات
10:14 AM - 2024-04-24
خەڵاتی زێڕینی بلە بە 10 کەسایەتی نمونەیی بەخشرا
04:30 PM - 2024-04-23
زۆرترین خوێنراو
-
ئهمریكا: ئازادی رۆژنامهنوسی و مافی مرۆڤ لهههرێم خراپتر بووه
کوردستان 12:30 PM - 2024-04-24 -
وەفدێکی حکومیی عیراق بەشداری ساڵیادی بۆردومانی قەڵادزێ دەکات
کوردستان 10:14 AM - 2024-04-24 -
نیو سەدە بەسەر بۆردومانکردنی قەڵادزێ و زانکۆی سلێمانیدا تێدەپەڕێت
کوردستان 09:14 AM - 2024-04-24 -
پرسەنامەی قوباد تاڵەبانی بۆ خانەوادەی شێخ محەمەد عەزیز رەسوڵ
پرسەنامە 09:16 PM - 2024-04-23 -
سەرۆک بافڵ بەشداری پرسەی هەڤاڵ عەلی شامار تێکۆشەری دێرین دەکات
کوردستان 07:37 PM - 2024-04-23 -
پرسەنامەی شاڵاو کۆسرەت رەسوڵ بۆ خانەوادەی مامۆستا جەمال هیدایەت
پرسەنامە 06:36 PM - 2024-04-23 -
خەڵاتی زێڕینی بلە بە 10 کەسایەتی نمونەیی بەخشرا
کوردستان 04:30 PM - 2024-04-23 -
کوردێک دەبێتە بەڕێوەبەری بەڕێوەبەرایەتیی وەبەرهێنانی سەلاحەدین
کوردستان 04:11 PM - 2024-04-23