زانیاری نوێ لەبارەی ئەو گوللە هاوەنانەی ئاراستەی کفری کران

.

دوای كەوتنە خوارەوەی دوو گوللــە هاوەن لەناو قەزای كفری، سەرپەرشتیاری ئیدارەی گەرمیان و بەڕێوبەری ئاسایشی گەرمیان لەچوارچێوەی وەفدێكی ئیداری و ئەمنی دەگەنە قەزاكە، لێكۆڵینەوەش لەوبارەیەوە دەستی پێكردوە.

سەرچاوەیەكی تایبەتی ئەمنی بۆ PUKmedia ووتی: كەمێك ئَیستا هەریەك لە جەلال نوری سەرپەرشتیاری ئیدارەی گەرمیان و نەوشیروان ئەحمەد بەڕێوبەری ئاسایشی گەرمیان گەیشتوونەتە قەزای كفری و چوونەتە شوێنی كەوتنە خوارەوەی موشەكەكان.

وتیشی:  دەست بەجێ لێكۆڵینەوە لە رووداوەكە دەستی پێكردوە.

ئەوسەرچاوەیە باسی لەوەشكرد: دوو گوللــە هاوەنەكە لە دوو ئاڕاستەی نزیك بەیەكەوە ئاراستەی كفری كراون و  یەکیچکیان لەگەڕەکی ئیمام محەمەدو ئەویتریشیان لەناو بازاڕی قەزاکە لەزەویان داوە.

باسی لەوەشكرد: گوماندەكرێت لەلایەن دوو ماتۆڕسوارەوە كارەكە كرابێت و هێزە ئەمنیەكان لێكۆڵینەوەی وردیان لەوبارەیەوە دەست پێكردوە.

PUKmedia تایبەت