هه‌ڵبژاردن له‌ نه‌ینه‌واو ئه‌نبار ده‌ستیپێكرد

وێنه‌: ئه‌رشیف

ئه‌مڕۆ 20-6، پرۆسه‌ی هه‌ڵبژاردنی هه‌ردوو ئه‌نجومه‌نی پارێزگای نه‌ینه‌واو ئه‌نبار به‌ڕێوه‌چوو، كه‌ به‌هۆی بارودۆخی تایبه‌تی خۆیانه‌وه‌ هه‌ڵبژاردن تیایاندا دواخرابوو.
به‌وته‌ی سه‌رچاوه‌یه‌كی كۆمسیۆنی باڵای هه‌ڵبژاردنه‌كانی عیراق، سه‌عات 7ی به‌یانی ئه‌مڕۆ پرۆسه‌ی ده‌نگدان له‌سه‌رجه‌م شارو شارۆچكه‌كانی ئه‌و دوو پارێزگایه‌ ده‌ستیپێكردوه‌و ده‌زگا ئه‌منییه‌كانیش پلانێكی ئه‌منیی توندوتۆڵیان له‌ ده‌وره‌به‌ری بنكه‌كانی ده‌نگداندا گرتۆته‌به‌ر بۆ به‌رگرتن له‌هه‌ر په‌لامارێكی تیرۆریستی.
به‌گوێره‌ی زانیارییه‌كانی PUKmedia، تائێستا كه‌ ماوه‌ی دوو سه‌عات و 30 خوله‌كه‌ پرۆسه‌كه‌ ده‌ستیپێكردووه‌، ژماره‌یه‌كی كه‌می ده‌نگده‌رانی پارێزگای ئه‌نبار روویان له‌ سندوقه‌كانی ده‌نگدان كردووه‌.

PUKmedia تایبه‌ت