لاوكی جه‌خار بڵاوكرایه‌وه‌

له‌ڕێی ئه‌ده‌ب و هونه‌ره‌وه‌ گوزارشت له‌ ئه‌نفال ده‌كرێت

سه‌عات 6 ی ئیَواره‌ی 18 -6- 2013 له‌ئوتیَل چوارچرا به‌ئاماده‌ بونی ئارام ئه‌حمه‌د وه‌زیری كاروباری شه‌هیدان وئه‌نفالكراوان و ژماره‌یه‌ك له‌كه‌سایه‌تیه‌ رۆشنبیر و سیاسی و ریَكخراوه‌كانی كۆمه‌ڵگه‌ی مه‌دنی، به‌بۆنه‌ی یادی 25 ساڵه‌ی جینۆسایدی گه‌لی كوردستان ئه‌لبومی لاوكی جه‌خار بڵاوكرایه‌وه‌.

سه‌ره‌تا وه‌زیری شه‌هیدان ووته‌یه‌كی پیَشكه‌ش كرد و وتی: ئه‌مجاره‌ ده‌مانه‌وێ كاره‌ساتی ئه‌نفال به‌شیَوه‌یه‌كی تر گرنگی پیَبدریَت ئه‌وه‌ش به‌گرنگیدان به‌ ئه‌ده‌بی گه‌لی كوردمان به‌ شیعر یان شانۆ یان گۆرانی.

وتیشی: ئه‌م كاره‌ی هونه‌رمه‌ند بورهان خۆشناو باس له‌ شۆرِشه‌كان و جینۆسایدی گه‌لی كوردستان ده‌كات و به‌هاوكاری ئیَمه‌ و هونه‌رمه‌ندانیتر هاتۆته‌به‌رهه‌م.

لای خۆیه‌وه‌ بورهان خۆشناو وتی: ئه‌مكاره‌ هونه‌ریه‌، لاوكی جه‌خار
تیَكستی خالید جوتیار و خۆمه‌، موزیك چه‌تۆ نه‌ورۆز، دیزاینی مه‌حمود خۆشناو، ریكۆردی سۆلۆ ستۆدیۆ، به‌هاوكاری وه‌زاره‌تی شه‌هیدان و ئه‌نفالكراوان به‌رهه‌م هاتووه‌.

لاوكه‌كه‌ باس له‌شۆرشه‌كانی گه‌لی كورد ده‌كات هه‌ر له‌میَژه‌وه‌ تا ئه‌نفاله‌كانی هه‌ڵه‌بجه‌ ودۆڵی بالیسان.

PUKmedia هه‌ولێر- سه‌باح شوكر