هەلیکۆپتەرێکی جەنگیی ئاپاچی ئەمریکی لە نزیک گەرووی هورمز کەوتەخوارەوە

میدیاکان

هەلیکۆپتەرێکی جەنگی ئەمریکا لەجۆری ئاپاچی

هەلیکۆپتەرێکی جەنگی ئەمریکا لەجۆری ئاپاچی لە نزیک گەروی هورمز کەوتەخوارەوە و هەردوو فڕۆکەوانەکەشی بە سەلامەتی ڕزگارکراون و تەندروستییان باشە.

ڕۆژنامەی نیویۆرک تایمز لە زاری دوو سەرچاوەی ئاگادارەوە بڵاویکردەوە، کە تا ئێستا بە تەواوی ڕوون نییە ئایا هەلیکۆپتەرەکە بەهۆی کێشەیەکی تەکنیکی و بەکارهێنانەوە کەوتووە، یان لەلایەن هێزەکانی ئێرانەوە لە ناوچەکەدا پێکراوە و خراوەتە خوارەوە.

لەلایەکی دیکەوە، دۆناڵد ترەمپ سەرۆکی ئەمریکا، ئاشکرای کرد، هەردوو فڕۆکەوانەکەی بە سەلامەتی ڕزگارکراون و تەندروستییان باشە.

ئەمەش لەکاتێکدایە، هەلیکۆپتەریئاپاچی بە یەکێک لە بەهێزترین فڕۆکە جەنگییە سەربازییەکانی ئەمریکا دادەنرێت کە لە ئێستادا لە گەرووی هورمز لە ئەرکی گەمارۆی دەریایی بەردەوامدایە.

PUKMEDIA