قوباد تاڵەبانی: لەیاسا دەرچوان ڕووبەڕوی سزا دەکەینەوە

PUKMEDIA

قوباد تاڵەبانی و وێنەی دوو شەهیدەکەی ئاسایش

قوباد تاڵەبانی هاوخەمی خۆی بۆ شەهیدبوونی دوو کارمەندی ئاسایش دەردەبڕێت و رایدەگەیەنێت: "هێزە ئەمنییەکان بەهەموو توانایانەوە لەهەوڵدان بۆ دەستگیرکردنی تاوانباران".

قوباد تاڵەبانی جێگری سەرۆکوەزیرانی حکومەتی هەرێمی کوردستان لەپەیامێکیدا لەپەڕەی تایبەتی خۆی رایگەیاندووە: "زۆر دڵگرانین بە شەهیدبوونی دوو کارمەندی هێزەکانی ئاسایش کە لە کاتی بەجێهێنانی ئەرکدا لە ناوچەی قەرەداغ لەلایەن ژمارەیەک چەکداری نەناسراوەوە کراونەتە ئامانج".

"هاوخەمی لەگەڵ خانەوادە و کەسوکاری سەربەرزیان و هەموو هەڤاڵانیان لە هێزەکانی ئاسایش دەردەبڕین. لە دوای رووداوەکەوە هێزە ئەمنییەکانمان بە هەموو تواناوە لەهەوڵدان بۆ دەستگیرکردنی تاوانبارەکان و بەردەوامیش دەبن تا ئەو کاتەی ئەم گروپە چەکدارە لە یاسادەرچووەوە رووبەڕووی سزای یاسایی دەکرێنەوە"، قوباد تاڵەبانی وادەڵێت.

PUKMEDIA