هەڵای میدیای لەسەر سلێمانی بۆ؟

PUKMEDIA

رێبین عومەر

ئەو هەڵا میدیاییەی لەسەر جەستەی سلێمانی دروستبووە؛ خۆی لە خۆیدا دژی ئارامی ئەم شارەیە و خولقێنەری فەوزایە کە ناپەسندە؟!

فەوزای سیاسی و دیدی پۆپۆلیستی لە رابردوو ئێستادا؛ زیانی زۆری لە ئاوەدانی و گەشەی سلێمانی داوە.

زۆری و بۆری حزبی سیاسی لەم دەڤەرەدا، بۆتە شاییەکەی بناویلە “هەریەکەو لەسەفێکدایە هەریەکەو لەسەر جەستەی ئەوەی تر گرێوی کردووە”و خۆیان بە ئەملاو لا بەستۆتەوە. 

دۆخی سیاسی سلێمانی هەردەم لەبارە بووە بۆ گەشەی مەدەنییەت و دیموکراسی و کارکردنی پێکەوەیی.

بەڵام قسەی نابەرپرسانەو دروستکردنی هێزی میلیشیایی بچوکی گرێدراو بە ئەجێندای دەرەکی؛ روونە بە زیانی ئارامی سلێمانی دەشکێتەوە. 

خۆزگە ئاوڕێک بۆ مێژوو دەدرایەوە، لۆژیکیانە سەیربکرایە ئەوسا دەردەکەوت کە فەوزای پۆپۆلیستی و دروستکردنی گێرەشێوێی خزمەت ناکات؛ ئەوکات ئارامی سلێمانی دەشێوێت کە بەدیدی پۆپۆلیستی نەشتەر بۆ مەدەنییەت و دیموکراسی بکرێت. ئیتر کاتییەتی کە سلێمانی وەک شارێکی ماندوو لە فەوزا دوربخرێتەوە.

PUKMEDIA