رەفعەت عەبدوڵا: نابێت حکومەت قۆرخکار بێت

PUKMEDIA

کۆبونەوەی رەفعەت عەبدوڵا

هەڤاڵ رەفعەت عەبدوڵا ئەندامی مەکتەبی سیاسی ی.ن.ک رایدەگەیەنێت:" هیچ  بڕیارێك چ لەکوردستان یان لەعیراق بەبێ پرسی یەکێتی تێناپەڕێت، هەر ئەوەش وایكردووە دۆست ونەیار چاویان لەسەر یەکێتی نیشتمانییە".

یەکێتی هێزێکی گەورەی کاریگەرەو دۆست و نەیار چاویان لەسەریەتی

رەفعەت عەبدوڵا لە دوو کۆبوونەوەی رێکخراوەیی جیادا لەگەڵ هەڤاڵانی کۆمیتەی راپەرین لە سنوری مەڵبەندی رێكخستنی سلێمانی و ژمارەیەک راگەیاندنکار، بە ئامادەبوونی سەرکەوت زەکی لێپرسراوی مەکتەبی رێکخستن و زیاد جەبار لێپرسراوی مەڵبەندی سلێمانی و هەڤاڵ ئاڤێستا محەمەد، تەئکید لە کاریگەریی و رۆڵی یەکێتی لە گۆرەپانی سیاسی و حوکمڕانی کرایەوە. 

  
رەفعەت عەبدوڵا لەو کۆبونەوانەدا کە رۆژی 7ی8ی2024 بەرێوەچوو، رایگەیاند:"هەڵبژاردنی  پەرلەمانی کوردستان بۆیەکێتی و بۆ گەلەکەشمان گرنگە و یەکێتی کار بۆ هێنانەكایەی حکومەتی هاوڵاتیان دەکات بۆ باشترکردنی ژیان وگوزەرانی خەڵک بەبێ جیاوازی و حکومەتێکی قۆرخکار نەبێت"، دەشڵێت: " یەکێتی هێزێکی گەورەی کاریگەرەو دۆست و نەیار چاویان لەسەریەتی".

یەکێتی لەهەناوی خەڵکەوە دروست بووە

لەلایەکی ترەوە هەمان رۆژ سەرکەوت زەکی لێپرسراوی مەکتەبی رێکخستن لەگەڵ هەڤاڵانی کۆمیتەی ڕێکخستنی ١٩ی عەربەت کۆبوەوەو وتی:" یەکێتی هی کۆمەڵانی خەڵکی کوردستانە و لەهەناوی خەڵکەوە دروست بووە"، هەروەک رایگەیاند:" ئامانج وستراتیژی یەکێتی کە دەیەوێت هەموو توانای بۆخزمەتی کۆمەڵانی خەلکی کوردستان تەرخانبكات". و وتیشی:" هەموومان پێکەوە بەیەک تیم کاردەکەین بۆبەهێزترکردنی یەکێتیەکەمان".

PUKMEDIA