یەکێتی بەشداری دیداری حزبی شیوعی چین لەپەکین دەکات
کوردستان 08:19 PM - 2024-03-25نوێنەری یەکێتی لەچین
یەکێتی نیشتمانیی کوردستان وەک حزبێکی گەورەو کاریگەر لەسەر ئاستی هەرێمی کوردستان و عیراق و ناوچەکە بە ڕەسمی بانگهێشتی دیداری حزبی شیوعی چین کە حزبی دەسەڵاتداری ئەو وڵاتەیە لە پەکینی پایتەخت دەکرێت.
لەو بارەیەوە سالار سەرحەد خەلیفە ئەندامی سەرکردایەتی کە بەنوێنەرایەتی بافڵ جەلال تاڵەبانی سەرۆکی یەکێتیی نیشتمانیی کوردستان بەشداری لە دیدارەکەدا دەکات بە وێبسایتی رەسمی یەکێتیی نیشتمانیی کوردستان PUKMEDIA راگەیاند: "ئەمڕۆ دوو شەممە ٢٥-٣-٢٠٢٤ یەکەم کۆبونەوەی دیدارەکە بە ئامادەبوونی بەڕێوەبەری گشتی رۆژئاوای ئاسیا و باکوری ئەفریقا دەستیپێکردو تێیدا تیشکخرایە سەر ئەو پرسە هەنوکەییانەی کەلە رۆژهەڵاتی ناوەڕاست روودەدەن، هاوکات یەک هەڵوێستی لە نێوان حزبە بەشداربووەکان بۆ چارەسەری کێشەکان راگەیەندرا".
"بڕیاریشە سبەینێ ٢٦-٣-٢٠٢٤ لەچوارچێوەی دیدارەکەدا وەک نوێنەری سەرۆک بافڵ وتاری یەکێتیی نیشتمانیی کوردستان بخوێنینەوەو تیشک بخەینە سەر پەیوەندییەکانی سەرۆک مام جەلال و یەکێتیی نیشتمانیی کوردستان لەگەڵ چین، کە پەیوەندییەکی مێژووییەو سەرۆک بافڵ-یش لە ئێستادا لەسەر رێبازەکەی سەرۆک مام جەلال درێژە پێدەری پەیوەندییەکانە"، سالار سەرحەد وای وت.
یەکێتی و حزبی شیوعی چین پەرە بە پەیوەندییەکانیان دەدەن
یەکێتی و چین پەیوەندییەکەی مێژووی ٦٥ ساڵەیان هەیە و هەردوولا ئاواتەخوازن پەرە بەپەیوەنییەکانیان بدەن و کار بۆ توندوتۆڵکردنی بکەن.
ئەندامەکەی سەرکردایەتی یەکێتیی نیشتمانیی کوردستان ڕاشیگەیاند: "لەچوارچێوەی دیدارەکەدا لە رۆژانی ئایندەدا سەردانی دامودەزگاکانی حکومەتی چین و شوێنە مێژوویەکانی حزبی شیوعی چین دەکەین، ئەمەش لەپێناو ئاشنابوونی زیاتر بە مێژووی ئەو حزبە و توندوتۆڵکردنی پەیوەندییەکان لەگەڵیاندا".
ئەوەشی وت: "پەیوەنییەکانی یەکێتیی نیشتمانیی کوردستان و چین ٦٥ ساڵی تێپەڕاندوەو یەکێتی ئاواتەخوازە پەیوەنییەکانی لەگەڵ ئەو وڵاتە و حزبی شیوعی چین پتەوتر بکات، ئەم دیدارەش هۆکارێک دەبێت لەو بوارەدا".
لە دیدارەکەدا ٢٢ حزبی چەپ لە رۆژئاوای ئاسیا و باکوری ئەفریقا بەشدارن، کە لەماوەی سێ ساڵی رابردودا بەهۆی بوونی ڤایرۆسی کۆرۆناوە دیدارەکە بە ئۆنلاین بەرێوەدەچوو، بەڵام ئەمساڵ جارێکی دیکە دیدارەکە بەشێوازی راستەوخۆ دەستیپێکردۆتەوەو یەکێتیی نیشتمانیی کوردستانیش بەشدارە تێیدا.
PUKMEDIA
هەواڵی زیاتر
-
سەرۆک بافڵ بۆ دەنگی ئەمریکا: هێزەکانی ئەمریکا دەستبەجێ لە عیراق ناکشێنەوە
10:12 PM - 2024-05-08 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08 -
سەعدی پیرە: داواکاری کاسبکارانی بازاڕی قەیسەری هەولێر رەوایە
07:59 PM - 2024-05-08
ئەمانەش ببینە
کوردستان 09:39 AM - 2024-05-09 لێپرسراوی ناوهندی یاسایی یهكێتی: نیهتی پارتی دواخستنی ههڵبژاردنه
سەرۆک بافڵ: لەگەڵ دوژمنانیش باوەڕم بە دیالۆگە
08:13 PM - 2024-05-08
سەرۆک بافڵ: سەقامگیریی و حوکمڕانییەکی تەندروست هەڵوێستی نەگۆڕمانە
03:25 PM - 2024-05-08
وتەبێژی یەکێتی: تەنها یەک لایەن نایەوێت هەڵبژاردن ئەنجامبدرێت
02:16 PM - 2024-05-08
یەکێتی تانە لەبڕیارەکەی کۆمسیاران دەدات
11:32 AM - 2024-05-08
زۆرترین خوێنراو
-
چوار بازرگانی نێودەوڵەتی هۆشبەر دەستگیردەکرێن
کوردستان 07:43 PM - 2024-05-08 -
قوباد تاڵەبانی: سوپاسی هەوڵەکانی باڵیۆزی ئیسپانیا دەکەم
کوردستان 05:44 PM - 2024-05-08 -
پرسەنامەی قوباد تاڵەبانی بۆ خانەوادەی دەرباز یوسف گوانی
پرسەنامە 03:35 PM - 2024-05-08 -
سەرۆک بافڵ: سەقامگیریی و حوکمڕانییەکی تەندروست هەڵوێستی نەگۆڕمانە
کوردستان 03:25 PM - 2024-05-08 -
وتەبێژی یەکێتی: تەنها یەک لایەن نایەوێت هەڵبژاردن ئەنجامبدرێت
کوردستان 02:16 PM - 2024-05-08 -
وەفدێكی مەکتەبی سکرتارییەت سەردانی ڕێبوار ئەنوەر بەگ دەکات
ی ن ک 02:07 PM - 2024-05-08 -
یەکێتی تانە لەبڕیارەکەی کۆمسیاران دەدات
کوردستان 11:32 AM - 2024-05-08 -
ئهنجومهنی وهزیران تاوتوێی به ههمیشهییكردنی فهرمانبهرانی گرێبهست دهكات
کوردستان 10:35 AM - 2024-05-08