هاوخەمی و پرسەنامەکان بۆکۆچی دوایی حاجی محەمەد بامۆکی

PUKMEDIA

حاجی محەمەد بامۆکی

پەیامی هاوخەمی و پرسەنامەکان بۆ کۆچی دوایی کەسایەتیی دیاری هەڵەبجە و سەرمایەداری کوردستان حاجی محەمەد بامۆکی ئاڕاستەی کوڕ و خانەوادە و دۆستانی دەکرێت.

دەقی پرسەنامەکان....

پرسەنامەی سەرۆکی یەکێتی

بەڕێزان بنەماڵەی سەربەرزی کاک حاجی محەمەد بامۆکی 

‎بەداخێكی زۆرەوە هەواڵی کۆچی دوایی كاك حاجی محەمەد بامۆکی، کەسایەتیی دیاری هەڵەبجە و سەرمایەداری کوردستانمان پێگەیشت.

‎بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی کوڕانی خوالێخۆشبوو، کەسوکار و بنەماڵە سەربەرز و دیارەکەیان دەکەم کە نموونەی كاری خێرخوازی و چاكەكارین.

‎لەخوای گەورە داواکارم کۆچکردوو بە بەهەشتی بەرین شادبكات و سەبووری بەهەموولایەك ببەخشێت.

‎دڵسۆزتان 
‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان

پرسەنامەی کۆسرەت رەسوڵ

کۆسرەت رەسوڵ عەلی هاوخەمی بۆ کۆچی دوایی حاجی محەمەد بامۆکی دەردەبڕێت

بەڕێزان: خانەوادەو کەسوکاری حاجی محەمەد بامۆکی

بەداخێکی زۆرەوە هەواڵی کۆچی دوایی کەسایەتی دیارو خێرخوازی سلێمانی (حاجی محەمەد بامۆکی)م بیست، دڵگران و خەمباری کردم، هاوبەشی خەمتانم. 

حاجی محەمەد بامۆکی پیاوێکی ناسراو و خێرخواز بوو،  خزمەتێکی زۆری پێشکەش بە سلێمانی و هەڵەبجە کردووە، بەداخەوە بۆ کۆچی دوایی و لەدەستدانی، پرسەو سەرەخۆشی و هاوخەمی خۆم ئاراستەی خۆتان و خانەوقدەکەتان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.

براتان
کۆسرەت رەسول عەلی

پرسەنامەی قوباد تاڵەبانی

بەڕێزان خێزان و خانەوادەی کۆچکردوو حاجی محەمەدی بامۆکی

بەبیستنی هەواڵى کۆچی دوایی (حاجی محەمەدی بامۆکی)، نیگەران و دڵگران بووم. 

حاجی محەمەدی کۆچکردوو کەسایەتی دیاری هەڵەبجە و سەرمایەدارێکی نیشتمانی خێرخواز و چاکەکار بوو کە هەوڵ و خزمەتەکانی چەندین بواری گرتبۆوە. 

بەم بۆنە غەمناکەوە پرسەو سەرەخۆشی ئاڕاستەی کەسوکار و بنەماڵە دڵسۆزەکەتان دەکەم و هاوبەشی خەمتانم. 

خواى گەورە لەکۆچکردوو خۆش بێت و جێگاى بەهەشت بێت، سەبورى و دڵنەواییش بەهەموو لایەک ببەخشێت. 

انا لله و انا الیه راجعون 

قوباد تاڵەبانی
لێپرسراوی مەکتەبی سکرتارییەتی سەرۆک مام جەلال

PUKMEDIA