قوباد تاڵەبانی: ئامانجمان دەستبەركردنی رەزامەندی خەڵكە
کوردستان 12:40 PM - 2024-02-25![قوباد تاڵەبانی لە سەردانێكی مەیدانیدا بۆ فەرمانگەی تاپۆی دووی سلێمانی](https://images.pukmedia.com/root/KS/92522024_87666.png)
قوباد تاڵەبانی لە سەردانێكی مەیدانیدا بۆ فەرمانگەی تاپۆی دووی سلێمانی
قوباد تاڵەبانی جێگری سەرۆكوەزیرانی هەرێم رایدەگەیەنێت: "كۆمەڵێك رێوشوێنمان گرتووەتەبەر بۆ كەمكردنەوەی رۆتین و ئاسانكاریكردن بۆ راپەڕاندنی كاروبارو مامەڵەی هاووڵاتیان لە فەرمانگەكان، رەزامەندیی هاووڵاتیان لە ئەدای فەرمانگە و بەڕێوەبەرایەتییەكان گرنگترین پێوەرە و ئامانجمان دەستبەركردنی رەزامەندی خەڵكە هەوڵیش هەیە بۆ بەرەوپێشچوونی زیاتر".
قوباد تاڵەبانی جێگری سەرۆكوەزیرانی هەرێم لە سەردانێكی مەیدانیدا بۆ فەرمانگەی تاپۆی دووی سلێمانی، رایگەیاند: "رەزامەندیی هاووڵاتیان لە ئەدای فەرمانگە و بەڕێوەبەرایەتییەكان لە چۆنییەتی راپەڕاندنی كاروبارەكان گرنگترین پێوەرە بۆ سەركەوتوویی ئەو فەرمانگە و بەڕێوەبەرایەتییە، ئامانجی ئێمەش دەستبەركردنی رەزامەندی خەڵكە، هەربۆیەش كۆمەڵێك رێوشوێنمان گرتووەتەبەر بۆ كەمكردنەوەی رۆتین و ئاسانكاریكردن بۆ راپەڕاندنی كاروبارو مامەڵەی هاووڵاتیان، لەوانەش پڕۆژەی خزمەتمان راگەیاند https://services.gov.krd بۆ بەدوداداچوونی بەردەوام و ئاگاداربوون لە ئاستی رەزامەندیی هاووڵاتی لە ئەدای فەرمانگە و بەڕێوەبەرایەتییەكان".
راشیگەیاند: "لەم چوارچێوەیەدا ئەمڕۆ بە شێوەیەكی لەناكاو سەردانی فەرمانگەی تاپۆی دووی سلێمانیم كرد، گوێم لە بۆچوونی هاووڵاتیان گرت لەبارەی ئەدای فەرمانگەكەوە، هەروەها گفتوگۆم لەگەڵ فەرمانبەران و بەڕێوبەری فەرمانگەكە كرد. خۆشحاڵ بووم كە بینیم كاروبارەكان بە شێوەیەكی رێكخراو و رێكوپێك بەڕێوەدەچن و هەوڵ هەیە بۆ بەرەوپێشچوونی زیاتریش لەمبارەیەوە".
قوباد تاڵەبانی جێگری سەرۆكوەزیرانی هەرێم ئەوەشی راگەیاند: "بە بەردەوامی ئەم جۆرە سەردانانە بۆ فەرمانگە و بەڕێوەبەرایەتییەكانی دیكەش دەكەین، تا هەم لە زمانی فەرمانبەرانەوە گوێمان لە داواكاری و كەمووكوڕییەكان بێت و هەم بۆچوونی هاووڵاتییانیش وەربگرین".
PUKMEDIA
هەواڵی زیاتر
-
سەرۆکی فەڕەنسا پێشوازی لە سەرۆککۆماری عیراق دەکات
07:23 PM - 2024-07-26 -
پەیامی پیرۆزبایی مەکتەبی سیاسی بۆ بزوتنەوەی گۆڕان
08:19 PM - 2024-07-25 -
سهرۆكی فراكسیۆنی یهكێتی: ئهركی پارێزگاری نهینهوایه گۆڕانكارییه ئیدارییهكان دهستپێبكات
05:26 PM - 2024-07-25 -
زیاتر لە 800 خێزانی ئاوارەی دهۆک گەڕانەوە زێدی خۆیان
03:43 PM - 2024-07-25
ئەمانەش ببینە
داهاتی هەفتەی رابردووی سلێمانی نزیکەی 16 ملیار دینارە
09:34 AM - 2024-07-26
سەرۆک بافڵ بۆ هێزی کۆماندۆ: ئەرکتان پاراستنی ئارامی و ژیانی خەڵکە
08:13 PM - 2024-07-25
پەرلەمانتارێک : 21 جۆر باجی نایاسایی لەهەرێم وەردەگیرێن
03:52 PM - 2024-07-25
دانپێدانانی تیرۆرستان بۆ تێکدانی ئارامی هەرێم لە PUKMEDIA بڵاودەکرێتەوە
08:33 PM - 2024-07-24
زۆرترین خوێنراو
-
شاڵاو کۆسرەت رەسوڵ سەردانی ژمارەیەک تێکۆشەر دەکات
ی ن ک 07:39 PM - 2024-07-26 -
سەرۆکی فەڕەنسا پێشوازی لە سەرۆککۆماری عیراق دەکات
عیراق 07:23 PM - 2024-07-26 -
پرسەنامەی سەرۆک بافڵ بۆ خانەوادەی حاجی خدر عەبدوڵای قامیشی
پرسەنامە 02:48 PM - 2024-07-26 -
نرخی نادەین و هەمووشمان دەوێت
بیروڕا 01:18 PM - 2024-07-26 -
شێخ جەعفەر: بە هەڵبژاردن هەرێم رزگار دەکرێت
کوردستان 12:12 PM - 2024-07-26 -
داهاتی هەفتەی رابردووی سلێمانی نزیکەی 16 ملیار دینارە
کوردستان 09:34 AM - 2024-07-26