هاوخەمی سەرۆک بافڵ و قوباد تاڵەبانی بۆ فەریق سمکۆ نازم

PUKMEDIA

پرسەنامە

بافڵ جەلال تاڵەبانی سەرۆکی یەکێتیی نیشتمانیی کوردستان، پرسەنامەیەک ئاڕاستەی فەریق سمکۆ نازم، بریکاری وەزارەتی ناوخۆی عیراق بۆ کاروباری ئاسایشی فیدڕاڵی دەکات.

دەقی پرسەنامەکە...

بەڕێز فەریق سمکۆ نازم، بریکاری وەزارەتی ناوخۆی عیراق بۆ کاروباری ئاسایشی فیدڕاڵی 

‎بەداخێكی زۆرەوە هەواڵی كۆچی دوایی خاتوو كافیە نامیق، خوشكی بەڕێزتانم پێگەیشت.

‎بۆ ئەم خەمە گەورەیە پرسە و هاوخەمیی قووڵی خۆمان ئاڕاستەی ئێوە و بنەماڵە سەربەرزەكەتان دەكەم كە نموونەی باڵای خەبات و تێكۆشانن.

‎لە خوای گەورە داواكارم كۆچكردوو بە بەهەشتی بەرین شادبكات و سەبووری بەهەموولایەك ببەخشێت.


‎دڵسۆزتان 
‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان

هەر بەو بۆنە خەمناکەوە قوباد تاڵەبانی لێپرسراوی مەکتەبی سکرتارییەتی سەرۆک مام جەلال پرسەنامەیەک ئاڕاستەی خانەوادەی فەریق سمکۆ نازم دەکات.

دەقی پرسەنامەکە....

بەڕێز فەریق سمکۆ نازم
بەڕێزان خێزان و خانەوادەی خاتوو کافیە نامق

بەبیستنی هەواڵى کۆچی دوایی خاتوو (کافیە نامق فارس)ی دایکی فەریق سمکۆ نازم، نیگەران و دڵگران بووم. 

بۆ ئەم کۆستە، پرسە و سەرەخۆشی ئاڕاستەی خێزان و خانەوادە تێکۆشەرەکەتان دەکەم، خواى گەورە لەکۆچکردوو خۆش بێت، سەبورى و دڵنەواییش بەهەموو لایەک ببەخشێت. 

انا لله وانا اليه راجعون

قوباد تاڵەبانی
لێپرسراوی مەکتەبی سکرتارییەتی سەرۆک مام جەلال

PUKMEDIA