شاناز ئیبراهیم ئەحمەد: دیموکراسی پەیڕەو نەکرێت هەڵبژاردن نابێتە شانازی

PUKMEDIA

شاناز ئیبراهیم ئەحمەد خانمی یەکەمی عیراق

خاتوو شاناز ئیبراهیم ئەحمەد لە وتارێکدا کە لە بەشی بیروڕای PUKMEDIA بڵاوکراوەتەوە دەڵێت: "هەڵبژاردن و دەنگدان بنەمایەکی سەرەکی دیموکراسیە، چونکە لەو پرۆسەیەدا هاووڵاتیان چارەنووسی خۆیان ئازادانە و سەربەستانە و بە یەکسانی دیاری دەکەن".

"نازانم ئەو هەموو نێردە دیبلوماسی و سیاسی و ناوبژیوانانەی کە هانمان ئەدەن بەپەلە پروزە هەڵبژاردن بکەین بۆ ئاستەنگ و ناڕەوایی و نالەباری دۆخەکە نابینن؟ بۆ لە کاتێکدا کە خۆیان کردوەتە باوکی دیموکراسیەت نابینن و نابیستن کە کاراکردنەوەی کۆمسیۆنە ئێکسپایەرەکەمان بە نایاسایی و سەرشکاندن هەلهەلەی بۆ کێشرا و پرۆژەی هەموارکردنەوەی یاسای هەڵبژاردنەکەمان لە یەکێک لە چەکمەچەکانی باڵەخانەی پەرلەمانەکەمانا تۆزی لێ نیشتووە و تۆماری دەنگدەرانمان علوجە و فڕی بەم سەردەمە و دانیشتوانی پارێزگاکانمانەوە نییە، جگەلەوەش نوێنەری کەمینەکانمان هێشتا داوای یەکلاکردنەوەی کێشەکانیان دەکەن"، خاتوو شاناز وادەڵێت

ئاماژەی بەوەشداوە: "ئەگەر ئەو هەموو فشارو گوشارە تەنیا بۆئەوەیە کە بڵێن شوکور بۆ خوا ئێمەش دیموکراسی پەیرەو ئەکەین، ئەمە جگەلە خۆ شاردنەوە لەژێر پەردەی دیموکراسیدا هیچیتر نیە و دەیان هەڵبژاردنیتریش ئەنجام بدرێت مادام ئەلف و بێی دیموکراسی پەیرەو ناکرێت، ناتوانین شانازی بە دەنگەکانمان و یەکسانی و ئازادییەوە بکەین".

بۆ خوێندنەوەی وتارەکەی خاتوو شاناز کلیک لێرە بکەن

PUKMEDIA