سەرۆک بافڵ: ئامانجمان خزمەتکردنی خەڵکە

PUKMEDIA

سەرۆک بافڵ

بافڵ جەلال تاڵەبانی، سەرۆکی یەکێتیی نیشتمانیی کوردستان و موسەنا سامەڕائی، سەرۆکی ھاوپەیمانیی عەزم و رەییان کلدانی، ئەمینداری گشتیی بزووتنەوەی بابلیون لە بەغدا کۆبوونەوە.

لە کۆبوونەوەکەدا پەیوەندییەکانی نێوان هەرێم و بەغدا تاوتوێکرا و جەخت لە دروستکردنی کۆدەنگییەکی نیشتمانی کرایەوە بۆ چارەسەرکردنی کێشەکان و هەنگاونان بە ئاڕاستەی تەبایی و پێکەوەیی لە وڵاتدا.

کۆبوونەوەکە جەختی لە پاڵپشتی حکومەتی نوێ و هەوڵەکانی کردەوە بۆ چەسپاندنی یاسا، رووبەڕووبوونەوەی گەندەڵی و پێشکەشکردنی خزمەتگوزاری و داواکرا هەموولایەنەکان بەرۆحێکی بەرپرسارانەوە مامەڵە لەگەڵ دۆخەکە بکەن و وڵات بەرەو سەقامگیری ئاڕاستە بکەن.

سەرۆک بافڵ ئاماژەی بە هەوڵەکانی یەکێتی و سیاسەتی حزبەکە کرد بۆ چارەسەرکردنی کێشەکان و بونیادنانی داهاتوویەکی گەشتر و رایگەیاند، هەموو هەوڵەکانمان لەپێناو چەسپاندنی یاسا و دادپەروەری کۆمەڵایەتیدایە و ئامانجمان خزمەتکردنی خەڵکە خۆشەویستەکەمانە، گەڕانەوە بۆ دەستوور و لێکتێگەیشتنی هاوبەشیش فاکتەری سەرەکین بۆ بەدیهێنانی ئەو ئامانجە باڵایانە.

PUKMEDIA