riklam

جێگری سەرۆکی هەرێم: ژنان نموونەی ئازایەتی و بەرخودانن

کوردستان 05:37 PM - 2022-11-25
جێگری سەرۆکی هەرێم

جێگری سەرۆکی هەرێم

جێگری سەرۆکی هەرێمی کوردستان بەبۆنەی رۆژی جیهانی بەرەنگاربونەوەی توندوتیژی دژی ژنان پەیامەک ئاڕاستەی ژنان دەکات و دەڵێت: "بە ڕێز و شکۆوە لە خەبات و ماندووبوونی گشت ژنان دەڕوانین، ئەرکی سەرشانی هەموومانە کە ببین بە داکۆکیکارێکی سەرسەخت لە بەرامبەر ئەو توندوتیژییانەی کە دەکرێنە سەر ژنان".

 

دەقی پەیامەکە:

 

پەیامی جێگری سەرۆکی هەرێم لە ڕۆژی جیهانیی بەرەنگاربوونەوەی توندوتیژی دژی ژناندا 

 لەم یادەدا کە ڕۆژی جیهانیی بەرەنگاربوونەوەی توندوتیژی دژی ژنانە، بە ڕێز و شکۆوە لە خەبات و ماندووبوونی گشت ژنان بەبێ جیاوازی لەهەر شوێنێکی دنیا بن دەڕوانین، پاڵپشت دەبین لە پێناو نەهێشتنی زوڵم و ستەم و چەوساندنەوە بەرامبەریان و چەسپاندنی یەکسانی و دادپەروەری لە کۆمەڵگەکەمان بۆیان. 

ژنان هەمیشە سیمبول و نموونەی ئازایەتیی و بەرخودان بوونە لە گشت قۆناغە جیاجیاکانی سەردەم، بۆیە ئەرکی سەرشانی هەموومانە کە ببین بە داکۆکیکارێکی سەرسەخت لە بەرامبەر ئەو توندوتیژییانەی کە دەکرێنە سەر ژنان ئەگەر لە ژێر هەر پاساوێکیشدا بێت، هەروەها دەبێت زیاتر ڕێز لە ماف و ئازادیی و تواناکانی ژنان بگیرێت و بواریان زیاتر بۆ بڕەخسێنرێت بۆ ئەوەی لە ناوەندەکانی بڕیاردان و دامەزراوەکانی حکومەت و ڕێکخراوەکانی کۆمەڵگەی مەدەنی بەشداری کارایان پێ بکرێت و توانا و ئەزموونی کارکردنیان و ئاستی هۆشیارییان لە نێو دامودەزگاکاندا ببێتە هۆی ڕەنگدانەوە و دەرخستنی کۆمەڵگەیەکی یەکسان دادپەروەر لە بەڕێوەبردن و پێشکەوتندا.

شێخ جەعفەر شێخ مستەفا
جێگری سەرۆکی هەرێمی کوردستان
٢٥ی تشرینی دووەمی ٢٠٢٢

 

PUKMEDIA

Riklam

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket