دەرباز كۆسرەت رەسوڵ: یەكێتیی پێویستی بە هەمووانە

كارگێڕی مەكتەبی سیاسی سەردانی مەڵبەندی رێكخستنی هەولێری كرد

دەرباز كۆسرەت رەسوڵ كارگێڕی مەكتەبی سیاسیی رایدەگەیەنێت:" دەبێت هەموومان لای خۆمانەوە كاربكەین بۆ سەرخستنی بەرنامەی یەكێتی" و دووپاتیدەكاتەوە :" یەكێتیی پێویستی بەهەموو تواناكانە".

كارگێڕی مەكتەبی سیاسی رۆژی 5/10/2022 سەردانی مەڵبەندی رێكخستنی هەولێری كرد و لە لایەن د.مەجید حەمەدەمین  لێپرسراوی مەڵبەند و ستافی مەڵبەندەوە پێشوازیكرا و لەگەڵ جێگرو كارگێڕو بەشەكانی مەڵبەند كۆبوەوە.

دەرباز كۆسرەت رەسوڵ كورتەیەكی لەبارەی دۆخی كوردستان و عێراق و رۆڵی یەكێتیی خستەڕوو، بەوردی تیشكی خستەسەر ژیانی حزبایەتی و ئەو هەنگاوانەی دەنرێن بە ئاراستەی رێكخستنەوەی ئۆرگانەكان و هەوڵدان بۆ خزمەتكردنی زیاتری كۆمەڵانی خەڵكی كوردستان.

كارگێڕی مەكتەبی سیاسیی رایگەیاند:"یەكێتی پێویستی بەهەموو تواناكانەو دەبێت هەموومان لای خۆمانەوە كاربكەین بۆ سەرخستنی بەرنامەی حزب" .

لەو ورانگەیەشەوە گفتوگۆی بەشداربووان بەئاراستەی چۆنیەتی كاركردن بوو لە داهاتووداو رێكخستنەوەی خێراتری ئۆرگانەكانی سنووری هەولێر.

PUKMEDIA