riklam
}

ئەنجومەنی سەركردایەتی لەسەر پرسی "پەرلەمان و حكومەت" كۆدەبێتەوە

ی ن ک 01:13 PM - 2022-10-05
ئەنجومەنی سەركردایەتی یەكێتیی نیشتمانیی كوردستان

ئەنجومەنی سەركردایەتی یەكێتیی نیشتمانیی كوردستان

كۆبوونەوەی ئەمجارەی ئەنجومەنی سەركردایەتی یەكێتیی نیشتمانیی كوردستان لە بارەی پەرلەمان و حكومەتی هەرێمی كوردستانەوەیە و تێیدا باس لە گرفت و كێشەكان و لەمپەرەكان دەكرێت.

بڕیارە كۆبوونەوەكە لە چەند رۆژی داهاتوودابێت و بەسەرپەرشتی هەڤاڵ بافڵ جەلال تاڵەبانی سەرۆكی یەكێتیی نیشتمانیی كوردستان بەڕێوەبچێت، وەك درێژكراوەی كۆبووەنەوە سیاسییەكانی دیكە.

مستەفا چاڵاوی جێگری سكرتێری ئەنجومەنی سەركردایەتی یەكێتی بە سایتی رەسمی یەكێتیی نیشتمانیی كوردستان PUKMEDIA ی راگەیاند :" كۆبوونەوەكە لەگەڵ پەرلەمان و حكومەتە، كە نوێنەرانی یەكێتیین لە و دوو دامەزراوەیە و تێیدا باس لە كێشەو گرفتەكان و كێشەی خەڵك و خزمەتگوزاریی و ئەو لایەنانە دەكرێت كە بۆ خەڵك پێویستن وگرنگن".

" یەكێتیی خۆی بەخاوەنی ئەم ئەزموونە دەزانێت و لە حزب پێكهێنەر و بەشداری ئەو دامەزراوە باڵا یاسایی و جێبەجێكاریانەن و یەكێتیش  هاوبەشێكی سەرەكی و كاریگەرە" جێگری سكرتێری سەرۆكی ئەنجومەنی سەركردایەتی وایوت.

كۆبوونەوە ئاساییەكانی پێشووی ئەنجومەنی سەركردایەتی لە رۆژانی پێنجشەممانی هەموو هەفتەیەك دەكرا، بەڵام بڕیارە ئەم كۆبوونەوەیەیان لە رۆژی شەممە بكرێت .

مستەفا چاڵاوی دەڵێت:" لە كۆبوونەوەكە دا گوێ لە د.رێواس فایەق سەرۆكی پەرلەمانی كوردستان دەگێرێت لە بارەی ئەجێندای پرۆژە یاسا و ئەو بابەتانەی پەیوەستداری خەڵكن".

"هەرچی دەربارەی حكومەتیشە قوباد تاڵەبانی جێگری سەرۆك وەزیرانی هەرێم قسەی خۆی دەكات، سەبارەت بە كار و پرۆژە خزمەتگوزراییەكان حكومەت و هەروەها بابەتانەی پەیوەستن بە ژیان و گوزرەرانی خەڵك" جێگری سكرتێری سەرۆكی ئەنجومەنی سەركردایەتی وایوت.

"هەموومان پشتگیریی حكومەت و پەرلەمان دەكەین لە بارەی هەنگاو پرۆژەكانیان بۆ كۆمەڵانی خەڵك و دەستیش دەخەینە سەر لەمپەرەكان و چارەسەركردنیان". جێگری سكرتێری ئەنجومەنی سەركردایەتی وایوت.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket