riklam
}

سەرۆك بافڵ لە بارەی دۆخی هەرێم: زەمینەیەكی لەبار بۆ گفتوگۆ و لێكتێگەیشتن هاتووەتە ئاراوە

کوردستان 05:09 PM - 2022-10-04
سەرۆك بافڵ تاڵەبانی لە میانی دیدارێكیدا لەگەڵ لە ئێلبروس كوتراشیڤ باڵیۆزی رووسیا لە عیراق

سەرۆك بافڵ تاڵەبانی لە میانی دیدارێكیدا لەگەڵ لە ئێلبروس كوتراشیڤ باڵیۆزی رووسیا لە عیراق

بافڵ جەلال تاڵەبانی سەرۆكی یەكێتیی نیشتمانیی كوردستان سەبارەت بە دۆخی هەرێمی كوردستان رایدەگەیەنێت: "زەمینەیەكی لەبار بۆ گفتوگۆ و لێكتێگەیشتن هاتووەتە ئاراوە" و هیوایخواست" هەمووان بە گیانێكی نیشتمانی و بەرپرسیارانەوە لەپێناو گەل و قەوارەی هەرێم سازش لەسەر داواكارییەكانمان بكەین".
ئەم وتانەی سەرۆك بافڵ تاڵەبانی لە میانی دیدارێكیدا بوو لەگەڵ لە ئێلبروس كوتراشیڤ باڵیۆزی روسیا لە عیراق كە رۆژی 4-10 لە بارەگای مەكتەبی سیاسیی لە هەولێر بەرێوەچوو.

بەگوێرەی راگەیەندراوێكی رۆژنامەوانی نوسیگەی سەرۆكی یەكێتیی نیشتمانیی كوردستان، لەو دیدارەدا دەرباز كۆسرەت رەسوڵ، كارگێڕی مەكتەبی سیاسی ئامادەیبووە، دواپێشهات و گۆڕانكارییە سیاسییەكان تاوتوێكران و تێپەڕاندنی ئەو دۆخە سیاسییە چەقبەستووەی عیراقی تێكەوتووە گفتوگۆی لەبارەوەكرا.

سەرۆك بافڵ جەلال تاڵەبانی ئاماژەی بە دۆخی هەرێمی كوردستان كردوە و دەڵێت: "بەخۆشحاڵییەوە زەمینەیەكی لەبار بۆ گفتوگۆ و لێكتێگەیشتن هاتووەتە ئاراوە "و  هیوایخواستووە" هەموومان بە گیانێكی نیشتمانی و بەرپرسیارانەوە لەپێناو گەل و قەوارەی هەرێم سازش لەسەر داواكارییەكانمان بكەین و  بە گوتارێكی نیشتمانی و وەك یەك تیم بچینە بەغدا لەپێناو داكۆكیكردن و پاراستنی مافە دەستوورییەكانمان."

لەبارەی ئەو دۆخە سیاسییە نەخوازراوەی عیراق و هەوڵەكان بۆ گەیشتن بە ئەنجامێكی دڵخۆشكەر، سەرۆك بافڵ وتی: "هەمووان هەڵوێستی یەكێتیی نیشتمانیی كوردستان دەزانن و لەسەرەتاوە بەئاشكرا وتوومانە گفتوگۆ و لێكتێگەیشتن بنەمای چارەسەركردنی كێشەكانە و هەموو هەوڵەكانیشمان لەپێناو كۆكردنەوە و نزیككردنەوەی دەنگە جیاوازەكاندایە لەپێناو سەقامگیریی وڵات و بونیادنانی داهاتوویەكی گەشتر".

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket