riklam

رەیان كلدانی: لەسەردەستی یەكێتی گۆڕانكاری لەپرۆسەی سیاسیدا روودەدات

کوردستان 02:49 PM - 2022-09-26
 وێنەی رەیان کلدانی ئەمینداری گشتی بزوتنەوەی بابلیۆن

وێنەی رەیان کلدانی ئەمینداری گشتی بزوتنەوەی بابلیۆن

رەیان كلدانی ئەمینداری گشتی بزوتنەوەی بابلیۆن لەچوارچێوەی گفتوگۆیەكی لەگەڵ دەزگاكانی راگەیاندنی یەكێتیدا رایگەیاند: یەكێتیی نیشتمانیی كوردستان حزبێكی خاوەن سەنگ و قورسایی و رێزلێگیراوە لەتەواوی عیراق و لەلایەن سەرجەم هێزە سیاسییەكانەوە، هەروەها برای خۆشەیستم بافڵ تاڵەبانی كە نەوەی سەرۆك مام جەلالە، كەسایەتییەكی بەتوانا و  بوێرە و پێویستە هەرێمی كوردستان و عیراقیش شانازی بە دانایی و لێهاتوویی بكەن .

كلدانی هەروەها رایگەیاند: لەوكاتەوەی بافڵ تاڵەبانی سەرۆكایەتی یەكێتی نیشتمانیی كوردستانی وەرگرتووە، گۆڕانكاری گەورە لەپەیوەندییەكانی سلێمانی و بەغدا و سەرجەم پارێزگاكاندا روییانداوە، سەرۆك بافڵ جلال تاڵەبانی لەخەمی هەموو ناوچەكاندایە بە هەولێری پایتەختیشەوە.
سەبارەت بە پەیوەندییەكانی لەگەڵ یەكێتیدا كلدانی رایگەیاند: پەیوەندییەكی بەهێز بەیەكێتی دەیانبەستێتەوە و پەیوندی لەگەڵ سەرۆك بافڵ تاڵەبانی پەیوەندییەكی برایانەیە.
كدانی هەروەها وتیشی: هیچ كات یەكێتی خراپەكاری بەرانبەر مەسیحییەكان و مافەكانیان ئەنجام نەداوە و هەمیشە لەپێناو بەرژەوەندی گشتیدا تێكۆشاوە، ئەمەش ئاماژەیە بۆئەوەی لەداهاتوودا گۆڕانكاری لەسەر دەستی یەكێتی لەپرۆسەی سیاسی هەرێمی كوردستان روودەدات.
سەبارەت بە پرۆسەی سیاسی عیراق، رەیان كلدانی وتی: تاكە رێگە بۆ كۆتاییهێنان بە كێشەكانی عیراق بریتییە لە گفتوگۆ و دانیشتنی لایەنە سیاسییەكان و لێكنزیكبونەوەی بیروبۆچوونەكان لەپێناو دۆزینەوەی چارەسەرێك بۆ ئەو چەقبەستوییەی لەعیراقدا هەیە.

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket