سەرۆك بافڵ: یەكێتی لەسەرەتاوە لەگەڵ تەوافوق بووە

بافڵ جەلال تاڵەبانی، سەرۆكی یەكێتیی نیشتمانیی كوردستان لە بەغدا چاویكەوت بە قەیس خەزعەلی، ئەمینداری گشتیی بزووتنەوەی عەسائیب ئەھلی حەق.

لە دیدارێكدا دوایین هەوڵەكان بۆ پێكهێنانی حكومەتی نوێی عیراق و چارەسەركردنی كێشەكان تاوتوێكران و جەخت لە تەواوكردنی رێكارە یاسایی و دەستوورییەكان كرایەوە لەپێناو دروستكردنی حكومەتێكی بەهێز كە توانای خزمەتكردنی خەڵك، وڵات و بەدیھێنانی ئامانجە باڵاكانی ھەبێت.

سەرۆك بافڵ جەلال تاڵەبانی جەختی لە هەوڵەكانی یەكێتی بۆ پێكهێنانی حكومەت كردەوە و رایگەیاند: ئێمە لەسەرەتاوە لەگەڵ تەوافوق سازان و هاوسەنگی بووین چونكە، پێمانوایە ئەوە كلیلی چارەسەری كێشەكانە. ئەمڕۆش بە ھەمان دیدگا و ستراتیژەوە دەمانەوێت ئەم بنەما سەرەكییانە كە سەرۆك مام جەلال لە عیراقی نوێ بناغەكەی دانا، پەیڕەوبكرێت و پێكەوە خزمەتی ئامانجە باڵاكان بكەین.

PUKmedia تایبەت