سەرۆك كۆمار: كۆچی دوایی خاتوو زوبێدە خەمباری كردم

بۆ كۆچی دوایی خاتوو زوبێدە سەعید دایكی كۆسرەت رەسوڵ عەلی سەرۆكی ئەنجومەنی باڵای سیاسی و بەرژەوەندی یەكێتی، د. بەرھەم ساڵح  سەرۆك كۆماری عیراق پرسەنامەیەكی ئاڕاستەكرد و رایگەیاند، بنەماڵە تێكۆشەرەكەتان لە سەردەمی خەباتی شاخ و لە شاردا خزمەتێكی زۆری خەڵكی كوردستانی كردووە.

دەقی پرسەنامەكە...

برای بەڕێز و خۆشەویستم كاك كۆسرەت رەسوڵ عەلی

بەرێزان بنەماڵە و كەسوكار و خانەوادەی خوالێخۆشبوو زوبێدە سەعید ئۆمەر

بەداخ و پەژارەیەكی زۆرەوە هەواڵی كۆچی دوایی خاتوو (زوبێدە سەعید ئۆمەر) دایكی سەركردە و پێشمەرگە و تێكۆشەری دێرین و خەباتكاری خۆڕاگر هەڤاڵ كۆسرەت رەسوڵ عەلی، سەرۆكی ئەنجومەنی باڵای سیاسی و بەرژەوەندی یەكێتیی نیشتمانیی كوردستان-مان بیست.

برا گیان بنەماڵە تێكۆشەرەكەتان لە سەردەمی خەباتی شاخ و لە شاردا خزمەتێكی زۆری خەڵكی كوردستانی كردووە، و بەوە دیار و ناسراوەن كە ھەمیشە لە كۆڕی خەبات و تێكۆشان بۆ كوردایەتی قوربانی زۆریان داوە، لە دڵەوە خەمبار و نیگەرانم بۆ كۆچی دوایی دایكی بەڕێزتان.

بەم بۆنە خەمبارەوە پرسە و سەرەخۆشی خۆم ئاڕاستەی بەڕێزتان و خانەوادە و كەسوكار و بنەماڵەكەتان دەكەم و داوام لە خودای گەورە ئەوەیە بەر رەحمەتی خۆی بخات و بە بەهەشتی بەرینی شاد بكات و دوا كۆستی بنەماڵە بەرێزەكەتان بێت و سەبووری و دڵنەوایی هەموو لایەك بدات.

د. بەرھەم ساڵح 
سەرۆك كۆماری عیراق

PUKmedia تایبەت