سەربازێك لەكاتی ئەركدا 5 هاوڕێی دەكوژێت

سەربازێكی ئۆكرانی لەكاتی ئەركدا دەستڕێژی گوللەی لەهاوڕێكانی كردو بەهۆیەوە 5 سەربازی كوشت.
بەپێی زانیارییە بڵاوكراوەكان، رووداوەكە سەعات 4ی بەرەبەیانی ئەمڕۆ 27ی 1ی 2022، سەربازێك كە تەمەنی 20 ساڵانە، لەشوێنی پاسەوانیدا كە 22 سەربازی تری تێدا بووە، دەستڕێژی گوللەی لەهاوڕێ سەربازەكانی كردوە.
ئەوەشخراوەتەڕوو كە ئەو سەربازە، لە شوێنی رووداوەكە، 4 سەربازی كوشتوەو سەربازێكی تریش بەهۆی سەختی برینەكەیەوە گیانی لەدەستداوەو 5 سەربازی تریشی بریندار كردوە.
ئەو سەربازەی كە دەستڕێژی گوللەی لەهاوڕێكانی كردوە، دوای رووداوەكە هەڵهاتوەو هێزە ئەمنییەكانی ئۆكرانیا دەستیان بەگەڕان كردوە بۆ دەستگیركردنی.
PUKmedia ئاژانسەكان