سالار مەحمود: کاندیدەکەی پارتی بۆ سەرۆککۆمار وەزارەتێکی بۆ بەڕێوەنەبرا!

ئەندامێکی خولی پیشوی پەرلەمانی کوردستان رایدەگەیەنێت، بە کاندیدکردنی ھوشیار زێباری، پارتی ئیحراجی بۆ خۆی و کوردیش دروستکردوە و دەشڵێت پەرلەمانی عیراق کەسێ بەشایستەی وەزیر نەزانێت و لەکاری بخات، چۆن دەیخەیتەوە بەردەم ھەمان پەرلەمان و دەتەوێت بیکەیت بە سەرۆکی وڵات!.

سالار مەحمود ئەندامێکی خولی پیشوی پەرلەمانی کوردستان لەپەڕەی تایبەتی خۆی لە تۆڕی کۆمەڵایەتی فەیسبووک رایگەیاند: بە کاندیدکردنی ھوشیار زێباری بۆ پۆستی سەرۆک کۆماری عیراق، پارتی دیموکراتی کوردستان ئیحراجی بۆ خۆی و کوردیش دروستکردوە.

دەشڵیت: ئاسایی بوو پارتی بە نێچیرڤان بارزانی رکابەری د. بەرھەم ساڵح و یەکێتی بکەن و جۆری ململانێکەی شایستە دەکرد.

هاوکات سالار مەحمود نوسیویشیەتی: سەرۆک کۆمار واجیھەی کوردە لە عیراق و پەرلەمانی عیراق کەسێ بەشایستەی وەزیر نەزانێت و لەکاری بخات، چۆن دەیخەیتەوە بەردەم ھەمان پەرلەمان و دەتەوێت بیکەیت بە سەرۆکی وڵات!.

هەر لە درێژەی نوسینەکەیدا وتوشیەتی: ئەم دۆسیەیە لە رووی یاساییەوە ئاسەواری ئیحراجیەکەی لەعیراقدا ھێشتا لەسەر کورد ماوەو پارتی لە دیاریکردنی کاندیدی سەرۆک کۆمار، کەوتۆتە ھەڵەی خولی پێشوەوە.

PUKmedia