شەپۆلێكی دیكەی بەفرو بارانبارین هەرێم دەگرێتەوە

شەپۆلێكی دیكەی بەفرو بارانبارین بەشێك لە ناوچەكانی هەرێم دەگرێتەوە و تا بەرە بەیانی سێ شەممە بەردەوام دەبێت.

بەڕێوەبەرایەتی گشتی كەشناسی و بومەلەرزەزانی هەرێم رایگەیاند: ئەمڕۆ دوو شەممە 24-1-2022، شەپۆلێكی لاوازی بەفرو بارانبارین رۆژئاوای هەرێمی كوردستان دەگرێتەوە و لە ناوچە شاخاوییە بەرزەكانی پارێزگای دهۆك و هەولێر بەفربارینێكی كەم دەبێت، رێژەی داباریینەكەش لە پارێزگای دهۆك زیاتر دەبێت.

كەشناسی راشیگەیاند: ئەم شەپۆلە تا بەرە بەیانی رۆژی سێ شەممە بەردەوام دەبێت.

PUKmedia راگەیاندنی بەڕێوەبەرایەتی گشتی كەشناسی و بومەلەرزەزانی هەرێم