ئەمریكا: دەسەڵاتی دادوەری لەعیراق كۆڵەكەی بنچینەیی دیموكراسیەتە

باڵوێزخانەی ئەمریكا لەعیراق ئەمڕۆ یەكشەممە 23ی 1ی 2022 رایگەیاند، دەسەڵاتی دادوەری لەعیراق كۆڵەكەیەكی بنچینەییە بۆ دیموكراسیەت و سەقامگیری.

باڵوێزخانەی ئەمریكا لەبەبەغدا لەمیانی راگەیەنراوێكدا كە وێنەیەكی دەست PUKmedia كەوتووە راشیگەیاند:  ماسیۆ تۆلەر خۆشحاڵی خۆی دەربڕیوە بەبەشداریكردنی لەگەڵ نوێنەرانی دەسەڵاتی دادوەری لەعیراق و كۆمەڵگەی دیپلۆماسی نێودەوڵەتی لەئاهەنگی یادی رۆژی دادوەری لەعیراق و رێزگرتن لەو خزمەتگوزارییە گشتییەی دادوەران لەسەرانسەری عیراقدا پێشكەشیان كردووە.

راشیگەیاند: هەروەها تۆلەر خۆشحاڵی خۆشی دەربڕیوە لەبارەی ئەو رۆڵە بنچینەییەی كە دەسەڵاتی دادوەری لەعیراق گێڕاویەتی بەو پێیەی كۆڵەیەكی بنچینەییە بۆ دیموكراسیەت و سەقامگیریی.

PUKmedia راگەیاندنی باڵوێزخانەی ئەمریكا لەبەغدا