كازمی: په‌ره‌دان به‌ ئاستی كاری دادوه‌ری كاره‌كته‌رێكی بنچینه‌یی كاروانی چاكسازییه‌

مسته‌فا كازمی سه‌رۆكی ئه‌نجومه‌نی وه‌زیرانی فیدڕاڵ ئه‌مڕۆ یه‌كشه‌ممه‌ 23- 1ی -2022، جه‌ختیكرده‌وه‌ كه‌ په‌ره‌دان به‌ ئاستی كاری داده‌وه‌ری كاره‌كته‌رێكی بنچینه‌ییه‌ له‌كاروانی چاكسازیدا.

كازمی به‌بۆنه‌ی یادی رۆژی داده‌وه‌رییه‌وه‌ له‌تویتێكدا كه‌ له‌ تۆڕی كۆمه‌ڵایه‌تی تویته‌ر بڵاویكردۆته‌وه‌و PUKmedia به‌دواداچوونی بۆ كردووه‌ راشیگه‌یاند: سڵاو له‌دادوه‌ره‌كانمان ده‌كه‌ین ئه‌وانه‌ی گۆڕه‌پانه‌كانی دادپه‌روه‌ری و یاسا گه‌واهیده‌رییانه‌.

راشیگه‌یاند: به‌وپه‌ڕی رێزو شانازییه‌وه‌ یادی شه‌هیده‌ داده‌وه‌ره‌كان و قوربانییه‌ نیشتمانییه‌ گه‌وره‌كانیان ده‌كه‌ینه‌وه‌ كه‌به‌خشییان له‌پێناو دادپه‌روه‌ری و به‌ره‌نگاربوونه‌وه‌ی گه‌نده‌ڵی و هێنانه‌دی راستی و چه‌سپاندنی به‌هاو شكۆی  ده‌وڵه‌تدا.

وتیشی: په‌ره‌دان به‌ئاستی كاری دادوه‌ری كاره‌كته‌رێكی بنچینه‌ییه‌ له‌كاروانی چاكسازی و سه‌پاندنی یاسادا.

PUKmedia به‌دواداچوون