قوباد تاڵه‌بانی: كاكه‌‌ییه‌‌كان پێكهاته‌یه‌كی ره‌‌سه‌‌نی نه‌ته‌وه‌كه‌مانن

به‌بۆنه‌ی هاتنی جه‌ژنی سێ شه‌وه‌ی (یارانی قه‌وڵتاس)، قوباد تاڵه‌بانی جێگری سه‌‌رۆكی ئه‌‌نجومه‌‌نی وه‌‌زیران، بروسكه‌یه‌كی پیرۆزبایی ئاڕاسته‌ی خوشك و برا كاكه‌ییه‌كانی هه‌رێمی كوردستان و جیهان كردووه‌، ئه‌مه‌ ده‌قه‌كه‌یه‌تی:
 
به‌‌ڕێزان خوشك و برایانی كاكه‌یی 

به‌بۆنه‌ی هاتنی جه‌ژنی سێ شه‌وه‌ی (یارانی قه‌وڵتاس) ، جوانترین و گه‌رمترین پیرۆزبایی ئاڕاسته‌ی خوشك و برا كاكه‌ییه‌كانی هه‌رێمی كوردستان و جیهان ده‌كه‌م، هیوادارم ئه‌م جه‌ژنه‌ به‌وپه‌ڕی خۆشی و كامه‌رانی به‌ڕێ بكه‌ن.

كاكه‌‌ییه‌‌كان پێكهاته‌یه‌كی گرنگ و ره‌‌سه‌‌نی نه‌ته‌وه‌كه‌مانن، هه‌میشه‌ ئاشتی و یه‌كترقبوڵكردنیان كردۆته‌ په‌یامی سه‌ره‌كی ژیانیان، به‌شانازییه‌وه‌ رۆڵێكی كاریگه‌ر و به‌رچاویان له‌شۆڕش و تێكۆشانی نه‌ته‌وه‌كه‌ماندا هه‌بووه‌، بۆیه‌ جه‌خت ده‌كه‌ینه‌وه‌ كه‌ پاراستنی ماف و ئازادییه‌ ئاینی و مه‌ده‌نیه‌كانیان ئه‌ركی له‌پێشینه‌مان ده‌بێت.

دووباره‌‌ جه‌ژنتان پیرۆزبێت ..

قوباد تاڵه‌بانی
جێگری سه‌‌رۆكی ئه‌‌نجومه‌‌نی وه‌‌زیران