شەش ئۆتۆمبێل لە كوێستانەكانی هێرۆ گیردەخۆن

بەهۆی زۆری رێژەی بەفربارینەوە شەش ئۆتۆمبێل و 11 كەس لەكوێستانەكانی سنووری ناحیەی هێرۆ گۆڕ هێلكە لە قەزای پشدەر رێگەیان لێگیراوە و گیریان خواردووە.

موحسین حسێن  بەڕێوەبەری ناحیەی هێرۆ بە  PUKmedia ی راگەیاند: ئەوكەسانە هیچ خۆراك و سوتەمەنییەكیان پێنەماوە و ناشتوانن لەبەرسەختی رێگەكە بگەڕێنەوە.

راشیگەیاند: تیمەكانمان لە بەڕێوەبەرایەتی ناحیە بەهاوكاری ئاسایش و پۆلیس و رێگاوبانی راپەڕین لە ئامادەكاریدان بە مەبەستی بەهاناوەچونیان كە پێویستی بە ئامێری شۆفڵی تایە زنجیر هەیە.

راشیگەیاند: لە ئێستادا زیاد لە حەفتا سانتیمەتر بەفرباریوە لەشوێنی ئەم رووداوە.

PUKmedia ئاراز رەسوڵ