پرسه‌نامه‌ی سه‌رۆك كۆمار بۆ كۆچی دوایی د. مارف عومه‌ر گوڵ

بۆ كۆچی دوایی پڕۆفیسۆر مارف عومه‌ر گوڵ، به‌رهه‌م ساڵح سه‌رۆك كۆماری عیراق بروسكه‌یه‌كی سه‌ره‌خۆشی ئاڕاسته‌ی بنه‌ماڵه‌ تێكۆشه‌ره‌كه‌یان كردووه‌، ئه‌مه‌ ده‌قه‌كه‌یه‌تی: 

په‌یامی ھاوخه‌می سه‌رۆك به‌رھه‌م بۆ خانه‌واده‌ و كه‌سوكار و بنه‌ماڵه‌ی پڕۆفیسۆر مارف عومه‌ر گوڵ

بۆ خانه‌واده‌ و كه‌سوكار و بنه‌ماڵه‌ی پڕۆفیسۆر مارف عومه‌ر گوڵ

به‌داخێكی زۆره‌وه‌ هه‌واڵی كۆچی دوایی مامۆستا و ئه‌دیب و نووسه‌ر و پێشمه‌رگه‌ و تێكۆشه‌ری دیرێن و كه‌سایه‌تی نیشتمانپه‌‌روه‌‌ر پڕۆفیسۆر (مارف عومه‌ر گوڵ) مان بیست.

پڕۆفیسۆر مارف له‌ سه‌رده‌می خه‌باتی شاخ و له‌ شاردا خزمه‌تێكی زۆر و به‌رچاوی میلله‌ته‌كه‌مانی كردووه‌، یاد و یاده‌وه‌ری ھه‌میشه‌ به‌زیندووی ده‌مێنێته‌وه‌.

به‌م بۆنه‌یه‌‌وه‌‌، پرسه‌ ‌و هاوخه‌می قووڵی خۆم ئاڕاسته‌ی خانه‌واده‌ و كه‌سوكار و بنه‌ماڵه‌ی پڕۆفیسۆر مارف عومه‌ر گوڵ ده‌كه‌م، داواكارم له‌ خودای گه‌وره‌ خوالێخۆشبوو‌ به‌ به‌هه‌شت شاد بكات و سه‌بووری و دڵنه‌وایی ھه‌موو لایه‌ك بدات.

به‌رهه‌م ساڵح
سه‌رۆك كۆماری عیراق
PUKmedia